O`zbek tili va adabiyotini o`qitish metodikasi

XUSUSIY TEXNOLOGIYA – ta’lim-tarbiya mazmunining ayrim yo‘nalishlarini amalga oshirish usullari va vositalari majmuasini o‘z ichiga oluvchi pedagogik tizim.

FILOLOGIK (ilmiy) TAHLIL – adabiy asarning yozilgan hamda o‘rganilayotgan paytdagi badiiy va hayotiy mantig‘i hamda estetik o‘ziga xosligini anglashga yo‘naltirilgan intellektual-hissiy faoliyat.

SHAXS – muayyan jamiyatning a’zosi bo‘lgan, ruhiy, jismoniy, ma'naviy-ahloqiy barkamol bo‘lgan, o‘z xatti-harakatlarini anglab, baholab, unga javob bеra oladigan, jamiyat taraqqiyotiga o‘z hissasini qo‘sha oladigan inson.

SHAKL - o'quv jarayonining mavjudlik usuli, uning ichki mohiyati, mantiqi, mazmuni uchun qobiq.

EVRISTIK METOD – o‘qitish metodi, ta’lim jarayonidagi suhbatlar va inson faoliyatining xususiyatini anglatadi. Yahni ta’lim amaliyotida tarbiyalanuvchilar faoliyatining erkinligiga, hamkorlik pedagogikasiga tayangan o‘qitish usullari, bu jarayonda tarbiyalanuvchi tafakkuri va faoliyatining chegaralanmaganligi hamda tafakkur yo‘nalishiga, fikrlar erkinligiga asoslanadigan jihat hisoblanadi.

EVRISTIK SUHBAT – ijodiy o‘qishning barcha usullarini evristik metodning asosi bo‘lgan E.s. deyish mumkin. CHunki ijodiy erkinlikka asoslangan tafakkur, tahlil va faoliyat bir-birini to‘ldirib boradi.

EKSKURSIYA – (lotincha excursio – sayr, sayohat) – muzeylar, diqqatga sazovor joylar, ko‘rgazmalar, tashkilotlar va shunga o‘xshash joylarga jamoa bo‘lib yoki individual tarzda ta’limiy, ilmiy, sport yoki ko‘ngil ochish maqsadida amalga oshiriladigan sayohat.