O`zbek tili va adabiyotini o`qitish metodikasi fanidan ma’ruza (VI semester 4-kurs) Individuallik

SISTEMALI YONDASHISH – obyektlarga sistemalar sifatida qarash usuli. Obyekt yaxlitligini ochib beradi va undagi aloqalarni ko‘‘ turliligini aniqlab beradi. Sistemali yondashuv sistemaning funksiyalashish maqsadlarini va uning boshqa sistemalar bilan bo‘lgan aloqasini aniqlaydi.
SINFDAN TASHQARI MASHG‘ULOTLAR – fan yuzasidan belgilangan dastur asosida o‘tkaziladigan darslarga qo‘shimcha tarzda olib boriladigan mashg‘ulotlar.
SUHBAT – ta'limdagi ikki tomonlama aloqaga tayanadigan usullardan biri. Bundagi asosiy maqsad o‘qituvchining maqsadga yo‘naltirilgan savollari orqali o‘quvchining yangi matеrialni tushunishi va oldin o‘zlashtirganlarini nazorat qilishdan iborat bo‘ladi.
TADQIQOT – yangi bilimlarni ishlab chiqishni maqsad qilgan, bilish faoliyati turlaridan biri.
TADQIQOT METODI – biror yo‘nalishdagi ilmiy izlanishni amalga oshirish yo‘sinini anglatuvchi tushuncha. Barcha fanlar o‘z tadqiqot obhekti va metodlariga ega. Hamma fanlarda bo‘lganidek, ilmiy tatqiqot pedagogika fanining ham rivojlanib, takomillashib borishiga, ayrim pedagogik hodisalarni tekshirishga, ularni to‘g‘ri hal etish yo‘llarini aniqlashga yordam beradi.
TASNIF, k l a s s i f i k a ts i ya (arabcha saralash, tartibga solish) – ilm yoki inson faoliyatining biror sohasiga oid o‘zaro yaqinlikka ega tushunchalar tizimi. T. har bir fanga xos muhim mantiqiy amal bo‘lib, uning vositasida shu fan doirasida to‘plangan bilimlar qathiy tartibga solinadi. Fanni o‘rganishda bunday tasnif qulaylik tug‘diradi. T.da bo‘linuvchi va bo‘luvchi tushunchalar o‘zining qathiy o‘rniga ega bo‘ladi.
TARBIYA - shaxsning ma'naviy va jismoniy holatiga muntazam va maqsadga muvofiq ta'sir o‘tkazish ta'sirida shakllanuvchi uzliksiz jarayon.
TARBIYA TЕXNOLOGIYASI - tarbiyaviy jarayonga komplеks yondashuvni anglatib, bu tarbiyaviy ta'sir va o‘zaro hamkorlik maqsadlari, vazifalari, mazmuni, mеtodi va shakllarining birligidan iboratdir.
TA’LIM - maxsus tayyorgalikdan o‘tgan kishilar rahbarligida o‘tkaziladigan, ta’lim oluvchilarni bilim, ko‘nikma va malakalar bilan qurollantiradigan, qobiliyatlarni o‘stirib, dunyoqarashlarni tarkib toptiruvchi jarayon.
TA’LIM – 1) shaxs, jamiyat va davlat manfaatlariga ko‘ra, shaxsning aniq bir maqsadga qaratilgan ta’lim va tarbiyasi jarayoni; 2) sistеmalashtirilgan bilim, uquv va malakalarni o‘zlashtirish jarayoni va natijasi; 3) odamni hayot va mеhnatga tayyorlashning zarur sharti.