O‘zbek tili va adabiyoti fakulteti o‘zbek tili kafedrasi

7-modul. Pragmalingvistika. Pragmalingvistik tahlil
Pragmalingvistika tilshunoslikning mustaqil yo’nalishi sifatida. Pragmatikaning shakllanish tarixi, boshqa tilshunoslik sohalari qatorida tutgan o’rni, uning sohalararo munosabati. Lisoniy muloqot jarayonida ijro etiladigan vazifalarning turli-tumanligi. Lisoniy muloqot inson faoliyatining muhim turi sifatida. Pragmalingvistika lisonning qo’llanishi bilan shug’ullanuvchi, nutqiy vaziyatda (kontekstda) faollashgan til tizimi haqidagi fan, tilni rejalashtirilayotgan maqsad nuqtai nazaridan tadqiq qiluvchi fan, nutq aktlarini tavsiflovchi nazariya, konversatsion (og’zaki nutq) tahlil nazariyasi, shaxslararo munosabatlarni ifodalovchi lisoniy vositalarni o’rganuvchi soha sifatida.
8-modul. Sotsiopragmatika
Muloqotning samarali kechishi ma’lum qoidalar, muomala tamoyillariga amal qilish bilan bog’liq. Sotsiopragmada lisoniy muloqotning samarali kechishini tizimli ravishda tadqiq qilishda H.Grays ta`limoti. Nutqiy xatti-harakatlarning umumiy yo’nalish- modellari. Sharq falsafasida muloqot tamoyili. Muloqot ritorikasi. Muloqot boshqaruvida hurmat tamoyili. Shaxs ijtimoiy mavqeini farqlash uning kommunikativ faoliyatini o’rganish uchun muhim vosita sifatida. Ijtimoiy status va ijtimoiy rol tushunchalari. Muloqot shakli va til birliklarining tanlovida suhbatdoshning ijtimoiy tabaqasi va nutq vaziyati.

IV. Amaliy mashg‘ulotlarni tashkil etish bo‘yicha ko‘rsatma va tavsiyalar
Ma’ruza mashg‘ulotlarida o‘rganilgan mavzular amaliy mashg‘ulotlarda mustahkamlanadi. Amaliy mashg‘ulotlarda bakalavr talabalari antroposentrik tilshunoslikning asosiy yo`nalishlari, tushunchalari, kategoriyalari haqidagi bilim va ko‘nikmalarini rivojlantiradilar.
Amaliy mashg‘ulotlar rejasi va adabiyotlar ro‘yxati bakalavr talabalariga taqdim qilinadi. Rejada ko‘rsatilgan masalalarni darslik yoki o‘quv qo‘llanma hamda ilmiy adabiyotlarga tayanib o‘rganish tavsiya qilinadi. Bakalavriat talabalari antroposentrik tilshunoslikning asosiy yo`nalishlari asosida amaliy tahlillar o‘tkazishadi.