Ozbek-Tariyx-1-70-(каракалпак). indd

Este saqlań!
Eger 1992-jılı 10 milliy-mádeniy oraylar jumıs alıp barǵan 
bolsa, házirge kelip, elimizde 138 milliy-mádeniy orayları xızmet 
kórsetpekte.
Este saqlań!
Ózbekstan xalqınıń 80 % in ózbek, 4,9 % in tájik, 3,8 % in rus, 
3,6 % in qazaq hám 7,7 % in basqa hár túrli millet wákilleri quraydı.
Ózbekstan Respublikasında jasawshı túrli millet wákilleriniń respub-
lika sociallıq, ruwxıy-aǵartıwshılıq turmısında belsendi qatnasıwın 
támiyinlew milliy-mádeniy oraylar jumısınıń áhmiyetli baǵdarlama-
larınan biri bolıp esaplanadı. Sonday-aq, shet ellerdegi birgelikli 
shólkemler menen doslıq, birge islesiw, mádeniy-aǵartıwshılıq qatnasıqlar 
ornatıw hám óz ara awqamlaslıq qatnasıqların rawajlandırıw, túrli 
mámleket hám jámiyetlik shólkemleri hám de dóretiwshi birlespeler 
menen birgelikte elde puqaralardıń birligin hám milletleraralıq tatıwlıqtı 
bekkemlewge járdemlesiwshi milliy-mádeniy orayları, atap aytqanda, 
Respublika Baynalminal (Internacional) mádeniy orayınıń tiykarǵı 
wazıypası bolıp tabıladı. 1992-jılı dúzilgen Respublika Baynalminal 

---

63
orayı bolsa usı milliy mádeniy orayları xızmetin muwapıqlastırıp, olarǵa 
shólkemlestiriwshilik hám metodikalıq járdem kórsetip keldi.
Baynalminal oray tárepinen hár jılı eki márte til bayramı ótkeri-
lip kelinedi. Bular — YuNESKO Bas konferenciyası 30-sessiyasında 
(1999-jılı) 21-fevral — Xalıqaralıq ana tili kúni dep járiyalanǵan hám 
2000-jıldan 195 aǵza mámleketlerde belgilenip atırǵan «Xalıqaralıq 
ana tili kúni» hám de Ózbek tiline Mámleketlik tili statusı berilgen 
kún esaplanadı. Usı múnásibet penen hár jılı dástúriy túrde ózbek tili 
boyınsha dilwarlıq (orator) óneri tańlawı ótkizilip kelinedi.
Ózińizdi sınań!
Xalıqaralıq ana tili kúni — ...
Ózbekstan xalqı — bul ...
Baynalminal orayı — bul ... Milletleraralıq tatıwlıq — bul ...
!
Este saqlań!
Búgingi kúnde de milletleraralıq tatıwlıq hám dinleraralıq 
keńpeyillik ideyası dúnyada eń áhmiyetli mashqalalardan biri bolıp 
esaplanadı. Usı múnásibet penen, YuNESKO 1995-jılı Parijde 
«Keńpeyillik principleri deklaraciyası»n qabıl etti. Birlesken Millet-
ler Shólkemi bolsa hár jıldıń 16-noyabrin «Xalıqaralıq keńpeyillik 
kúni» dep járiyaladı.