Ozbek-Tariyx-1-70-(каракалпак). indd

Jergilikli mámleketlik hákimiyat uyımları
Jergilikli wákillikli uyımları
Atqarıw hákimiyatı
Wálayatlar xalıq deputatları 
Keńesleri
Wálayatlar hákimlikleri
Qala, rayon xalıq deputatları 
Keńesleri
Qala, rayon hákimlikleri

---

24
hákimleri tiyisli qala hákimi tárepinen tayınlanadı hám lawazımınan 
bosatıladı hám de xalıq deputatları qala Keńesi tárepinen tastıyıqlanadı. 
Rayonlıq baǵınıwdaǵı qalalardıń hákimleri rayon hákimi tárepinen 
tayınlanadı hám lawazımınan bosatıladı hám de xalıq deputatları rayon 
Keńesi tárepinen tastıyıqlanadı. Wákillikli uyımları dúzilmeytuǵın 
qalalıq baǵınıwdaǵı rayonlarda hám rayonlıq baǵınıwdaǵı qalalarda da 
hákimiyatlar shólkemlestirildi, olardıń apparatı — hákimiyat dúzildi. 
Wálayat hákimleri hám Tashkent qalası hákimi Ózbekstan Prezidentiniń 
sol orınlardaǵı wákili esaplanadı.
Jergilikli mámleketlik hákimiyat uyımları sud hákimiyatı uyımları, 
prokuratura, ishki isler uyımları, ádillik sıyaqlı huqıqtı qorǵaw uyımları 
menen óz ara birgelikte jumıs alıp baradı.
Puqaralardıń ózin-ózi basqarıw uyımları.
Ózbekstan Respublikası 
ǵárezsizlikke eriskennen keyin, Ózbekstanǵa tán hám say puqaralardıń 
ózin-ózi basqarıw uyımları júzege keldi. Atap aytqanda, házirde derlik 
jáhánniń barlıq ellerinde bul institut jergilikli ózin-ózi basqarıw dep 
atalsa, Ózbekstanda bolsa puqaralardıń ózin-ózi basqarıwı dep ataladı.
Ózbekstan Respublikasınıń Konstituciyası qabıllanǵannan keyin, 
puqaralardıń ózin-ózi basqarıw sistemasınıń huqıqıy negizi bekkem-
lendi. Konstituciyanıń 105-statyasına muwapıq, «Posyolka, awıl 
hám mákanlarda, sonday-aq, olar quramındaǵı máhállelerde hám de 
qalalardaǵı máhállelerde puqaralardıń jıyınları ózin-ózi basqarıw 
uyımları bolıp, olar eki yarım jıl múddetke baslıqtı (aqsaqaldı) hám onıń 
másláhátshilerin saylaydı».
Este saqlań!
1999-jılı «Puqaralardıń ózin-ózi basqarıw uyımları haqqında», 
2004-jılı «Puqaralar jıyını baslıǵı hám onıń másláhátshilerin saylawı 
haqqında»ǵı Ózbekstan Respublikası nızamları qabıllandı. 2017-jılı 
Ózbekstan Respublikası Prezidenti «Máhálle institutın bunnan bılay 
da jetilistiriw ilajları haqqında»ǵı pármandı tastıyıqladı.