Ozbek-Tariyx-1-70-(каракалпак). indd

Ózbekstan — keńpeyil diyar.
Tariyxtan belgili, ózbek xalqı basınan 
keshirgen awır repressiya jılları hám ekinshi jer júzilik urıs jıllarında kóp 
eziwshliklerge júzbe-júz turǵan koreysler, nemisler, túrkler, polyaklar, 
grekler, qırım-tatarlar hám basqa millet wákilleri Ózbekstandı Watan 
dep bildi. Olardıń házirgi áwladları ushın bolsa Ózbekstan ana-Watanǵa 
aylandı. Sebebi, olar usı jerde tuwılıp, erjetip, ómirde óz ornın taptı.
Ózbekstanda ulıwma xalıqlıq bayramı sıpatında keń belgilenetuǵın 
«Ǵárezsizlik» hám «Nawrız» bayramları, 8-dekabr — Konstituciya qabıl-
lanǵan kún, 8-mart — Hayal-qızlar kúni, 9-may — Eslew hám qádirlew 
kúni bayram ilajlarında túrli millet, elat wákilleri de belsendi qatnasadı.
Házirgi Ózbekstan aymaǵında áyyemgi Shıǵıs ruwxıylıǵına súyenip 
jasaw, birgelikte umtılıw, hár tárepleme bárkámallıq joqarı qádiriyat 
dárejesine kóterilgen, milleti, rasası, sociallıq kelip shıǵıwı hám diniy 
isenimine qaramastan, birden-bir ólshem — insandı insanlıǵı ushın 
ulıǵlaw tiykarǵı baǵdar etip alınǵan.

---

64
Búgingi kúnde respublikamızdaǵı barlıq oqıw orınlarında hár túrli 
milletke tiyisli studentler bilim aladı. Dúnyanıń kemnen-kem ellerinde 
baqlanıp atırǵan jáne bir jaǵday, Ózbekstanda bilimlendiriw 7 tilde alıp 
barıladı. Bulardıń qatarına ózbek hám qaraqalpaq tillerinen tısqarı rus, 
qazaq, túrkmen, tájik hám qırǵız tillerin kirgiziw múmkin. Teleradio 
kórsetiw hám esittiriwler 12 tilde efirge berilmekte, gazeta hám jurnallar 
10 nan artıq tillerde basılıp shıqpaqta. Bul Ózbekstanda milletleraralıq 
tatıwlıqtı jáne de bekkemlewge xızmet etedi.
Milletleraralıq qatnasıqlarda jańa dáwir.
Búgin respublika aymaǵında 
jasawshı 130 dan artıq millet hám elat wákilleri ushın Ózbekstan 
Respublikasınıń Konstituciyası milletleraralıq tatıwlıqtı bekkemlew, 
turaqlılıq hám rawajlanıwdı támiyinlewdiń kepilligi bolıp xızmet etpekte.
Prezidentimiz Shavkat Mirziyoevtiń 
baslaması menen qabıllanǵan 2017— 
2021-jılları 
Ózbekstan 
Respublikasın 
rawajlandırıwdıń bes tiykarǵı baǵdarı 
boyınsha Háreketler strategiyasında eli-
mizde milletleraralıq tatıwlıqtı támiyin-
lew máselesine ayrıqsha itibar qara-
tılǵan. Elimizde tınıshlıqtı jáne de 
bekkemlew, milletleraralıq turaqlılıqtı 
jetilistiriw maqsetinde 2017-jılı 19-mayda 
Ózbekstan Respublikası Prezidentiniń 
«Milletleraralıq qatnasıqlar hám shet 
eller menen doslıq baylanısların jáne 
de jetilistiriw ilajları haqqında»ǵı pár-
manı qabıllandı. Pármanǵa muwapıq, 
Baynalminal (Internacional) mádeniyat 
orayı negizinde Milletleraralıq qatna-
sıqlar hám shet mámleketler menen 
doslıq baylanısları komiteti dúzildi. Bul 
bolsa, óz náwbetinde, elimizde xızmet 
etip atırǵan milliy mádeniy oraylar 
hám de doslıq jámiyetlerin qollap-quwatlaw, olardıń nátiyjeli jumıs 
júrgiziwinde mámleketlik basqarmaları hám jámiyetlik shólkemleri 
ortasındaǵı óz ara birge islesiwdi kúsheyttiriwde bekkem tayanısh boladı.
Milletleraralıq qatnasıqlar hám 
shet mámleketler menen doslıq 
baylanısları komiteti
Xalıqlar doslıǵı maydanındaǵı 
Shomahmudovlar shańaraǵı 
esteligi

---

65