O‘zbek filologiyasi fakulteti dekani f f. n. I. Xudoynazarov ― ‖ 2015 ―5120100 – Filologiya va tillarni o‗qitish (o‗zbek tili)‖ ta`lim yo`nalishi iv-bosqich 44-guruh talabasi Rajabova Feruzaning

Kuzatishlarimizdan quyidagicha umumiy xulosalarga kelish mumkin. 
1.Yangi lirik qahramoni o‗zini ruhiy-ma‘naviy jihatdan qayta qurayotgan 
shaxs sifatida dini islom, tasavvuf g‗oyalariga, uning estetik mezonlariga katta 
hurmat bilan qaraydi. Ulardan ruhiy ozuqa olmay turib yangi davrning komil 
insoni bo‗lishi mumkin emasligini ham chuqur anglab yetadi. 
2.A.Oripov va S.Sayyid kabi shoirlarning diniy-tasavvufiy she‘rlarida islomiy 
g‗oyalar, islom olamidagi allomalar hayoti bilan bog‗liq hikoyatlar chiroyli badiiy 
tasvirlarda beriladiki, bu yangi davr qahramonining ruhiy-ma‘naviy tozarish 
jarayonlarini boshdan kechirayotganligini ko‗rsatadi. 
3. Ma‘naviy madaniyatimiz, shu jumladan she‘riyatimiz ham o‗zining azaliy 
va abadiy o‗zanlariga qaytdi. Diniy merosga, diniy-axloqiy g‗oyalarga tayanish-
ma‘naviyat kamolotiga xizmat qilishi shubhasiz. U olamni, uning gultoji sanalmish 
Odamni to‗kis bilishga va shu asosda, barchasining ijodkori Qodir Egamni 
tanishga imkon yaratadi.
4. She‘riyatimizga ilohiy ruh kirib keldi. Badiiy ongimiz olamlar ijodkorini 
bilish, tanish va tanitish sari yuz burdi.
5.Endilikda, iymon butunligi va e‘tiqod salomatligi badiiy tafakkurning 
ustivor yo‗nalishiga aylandi. Yorug‗lik bilan qorong‗ilikning boqiyligiga ishonch, 
yagona Allohga bo‗lgan e‘tiqod, uning O‗zigagina ibodat qilish, yolg‗iz Ollohdan 
imdod so‗rash, iymon keltirish she‘riyatimizdagi diniy axloqning vijdoniga aylanib 
bormoqda. Fikr, Shukr, Zikr ilohiy mazmunning mehvarini tashkil etmoqda. 

---

63