O'z betinshe jumisi Tema

Qaraqalpaqstannin Mamleketlik nishanlari ham ataqlari.
Harqanday garezsiz el ozinin mamleketlik belgilerine yagniy nishanlarina iye boladi. Garezsizlik Konstitutsiyasinin 5-statyasinda Qaraqalpaqstan Respublikasi ozinin Nizam arqali tastiyiqlangan suverenlik mamleketlik nishanlarina – bayragina, gerbine ham gimnine iye bolatuginligi korsetilgen. Sonin ushinda garezsizliktin daslepki jillarinda-aq suverenli Qaraqalpaqstan Respublikasinin nishanlari haqqinda nizamlar qabil etilip, Qaraqalpaqstan Joqargi Kenesinin sessiyalarinda tastiyiqlandi. 1992-jili 24-dekabrde Qaraqalpaqstan Respublikasi bayragi tastiyiqlandi.
1993-jili 9-aprel kuni Qaraqalpaqstan Resoublikasi Joqargi Kenesinin XII sessiyasinda onin mamleketlik gerbi tastiyiqlandi.
Al 1994-jil 4-dekabr kuni Qaraqalpaqstan Respublikasi Joqargi Kenesinin XIV sessiyasinda Qaraqalpaqstan Respublikasinin gimni tastiyiqlandi.
Puqaralardi miynettegi tabislari, jemisli mamleketlik, jamiyetlik ham doretiwshilik jumislari ushin xoshametlew maqsetinde, birinshi shaqiriq Qaraqalpaqstan Respublikasj Joqargi Kenesinin togizinshi sessiyasinda, Qaraqalpaqstan Respublikasinin hurmetli ataqlarin sholkemlestiriw haqqinda Nizam qabillandi. Solardin arasinda:
«Qaraqalpaqstan Respublikasina miyneti singen korkem oner gayratkeri»;
«Qaraqalpaqstan Resoublikasina miyneti singen ilim gayratkeri»;
«Qaraqalpaqstan Respublikasj xaliq artisti»;
«Qaraqalpaqstan Respublikasi xaliq jaziwshisi»;
«Qaraqalpaqstan Respublikasi xaliq xudojnigi»;
«Qaraqalpaqstan Respublikasj xaliq shayiri»;
«Qaraqalpaqstan Respublikasi xaliq mugallimi»;
«Qaraqalpaqstan Respublikasi xaliq jirawi»;
«Qaraqalpaqstan Reslublikasj xaliq baqsisi»;
«Qaraqalpaqstan Respublikasina miyneti singen baylanis xizmetkeri» hammesi bolip 31 ataqlari belgilendi.
1992-jil 2-iyul kuni Oliy Majlis bayram kunlerin belgilew haqqinda Nizam qabil etilip, tomendegi kunler bayram kunleri etip belgilendi:
1-yanvar – Jana jil.
8-mart – Xaliq araliq Hayal-qizlar kuni.
21-mart – Nawriz bayrami.
9-aprel – Qaraqalpaqstan Respublikasi Konstitutsiyasi kuni.
9-may – Eslew ham qadirlew kuni.
1-sentyabr – Garezsizlik kuni.
1-oktyabr – Ustazlar kuni.
8-dekabr -Ozbekstan Konstitutsiyasi kuni.
Sonday-aq diniy bayramlar sanalgan Oraza ham Qurban hayiti bayramlari.
Garezsizlik natiyjesinde jamiyetlik-siyasiy ham ruwxiy turmista ulken ozgerisler boldi. Kop partiyaliq juz berdi, mamleketlik emes makemeler ham birlespeler duzildi. Jamiyetlik-siyasiy turmista ayriqsha orin tutiwshi kasiplik awqam ham jaslar awqami qayta duzildi. Olardin bari de elimizdin garezsiz rawajlaniwinda ozlerinin ilayiqli orinlarin taba basladi.
Garezsizlik jillari Nokis qalasinin 60-70 jliiq, Tortkul qalasinin 120 jilliq, Taqiyatas qalasinin ham Shomanay rayoninin 50 jilliq ham basqa rayonlardin yubiley merekeleri saltanatli jagdayda belgilendi. Nokis qalasi Ozbekstannin Hurmet jarligi menen siyliqlandi. 2003-jili Nokis qalasinin 70 jilliq yubileyi munasibeti menen «Dosliq» ordeni menen siyliqlandi. Sonday-aq putkil dunyaga belgili alim Ulugbek Muxammed Taragay ulinin 600 jilliq merekesi belgilendi ham Nokis qalasinda skulpturaliq estelik ornatilip, saltanatli jagdayda ashildi. 1998-jili belgili mamleketlik gayratker A. Dosnazarovtin 100 jilliq merekesi belgilendi ham ogan Qaraozek rayoninda estelik ornatildi. Bul ham basqa da merekeler ham estelikler xaliqlar dosliginin ulken bayrami boldi ham ruwxiy madeniyattin rawajlaniwin korsetti.
Garezsizlik min jildan aslam tariyxqa iye dinimizdi qaytarip berdi. Ana tilimiz haqqinda Nizam qabil etildi. Milliy qadiriyatlarimiz qayta tiklendi. Ayyemgi zamannan berli xalqimiz bayrami Nawriz haqqinda 1992-jili arnawli qarar qabil etildi.
Suverenli Qaraqalpaqstannin mamleketlik nishanlari bolgan bayragi, gerbi, gimni xalqimizdin joqargi ruwxiyligin ham dosligin bekkemlewde, jane de Respublikamizdin garezsiz rawajlaniwinda ulken ahmiyetke iye. Bul nishanlar Qaraqalpaqlardin mamleketshiliginin tagi da rawajlanganliginin belgisi bolip esaplanadi