Овқатдан заҳарланиш (токсикоинфекциялар) қўзғатувчилари

Лаборатория ташҳиси. Одатда бирламчи ташҳис учун патологик материалдан суртма тайёрланади. Суртмалар Грам усулида бўялгач микроскопда кўздан кечирилади. Бактериологик усулда эса қўзғатувчини аниқлаш учун озиқ муҳитларга эқилади. Муҳитда ҳосил бўлган коло-ниялардан соф культура ажратиб олинади ва унинг морфо-биокимёвий хусусиятлари асосида қўзғатувчининг тури аниқланилади.
Давоси ва профилактикаси. Касалликни даволаш учун канамицин, гентамицин, ампициллин ва учинчи авлод цефалоспоринларидан фойдаланилади.
Касалликнинг олдини олиш учун сув, озиқ-овқат маҳсулотларининг нажас билан ифлосланишига йўл қўймаслик, аҳоли орасида санитария-гигиена қонун-қоидаларига оид тушунтириш ишларини олиб бориш зарур.