O‘tkir koronar sindrom

Shifoxonagacha bosqichda davolash
Og‘riq sindromini bartaraflash miokardning ishemik zararlangan xududlarini va fatal aritmiyalarni chegaralashga olib keladi. Bunga nitroglitserin yoki izosorbid dinitratni 10 mkg/daq tezlik bilan infuziyalash va to AB reaksiyasiga paydo bo‘lgunicha oshirib borish yoki simptomatikani o‘zgariguniga qadar berib borish bilan erishiladi. Shu maqsadda neyroleptonalgeziya yoki narkotik analgetiklardan xam foydalaniladi.
Nitroglitserin berilganidan keyin xam saqlanib qoluvchi kuchli og‘riqda narkotik analgetiklar buyuriladilar: morfin 10-20 mg (1-2 ml 1% li eritmasi); omnopon 20-40 mg (1-2 ml 1-2% li eritmasi); promedol 20—40 mg (1-2 ml 1-2% eritmasi). Mazkur preparatlarning salbiy ta’sirlarini (bradipnoe, ko‘ngil aynish, qayt qilish), kamaytirish uchun, ularga xolinotiklar (0,5-1 ml 0,1 % li atropin eritmasi), neyroleptiklar (droperidol) ni qo‘shib ishlatib maqsadga muvofiqdir. O‘ta kuchli og‘riqda, o‘pka shishida ustuvorlik morfinga berilishi kerak. Keksa bemorlarda ko‘proq promedoldan foydalaniladi, u nafas markaziga kamroq ta’sir etadi
Neyroleptonalgeziya kuchli analgetik fentanilni 0,005% li eritmasidan 1-2 ml ni neyroleptik droperidolga qo‘shib berishga asoslanadi, qaysiki arterial bosimni xisobga olib buyuriladi: AB to 100 mm sim. ust. bo‘lsa-1 ml, AB to 120 mm sim. ustunigacha bo‘lsa - 2 ml, ABT to 140 mm sim. ustunigacha bo‘lsa 3 ml, AB to 160 mm sim. ustunigacha teng va undan ortiq bo‘lsa - 4 ml.