Основные понятия об измерениях и измерительных приборах

Механик кенгайиш термометрлари
Механик термометрларга дилотаметрик ва биметаллик термометрлар киради. Уларнинг ишлаши хар хил чизиқли кенгайиш температура коэффициентига эга бўлган икки қаттиқ жисмнинг температура таъсирида хар хил кенгайишига асосланган. Қаттиқ жисм узунлигининг L унинг температурасига боғлиқлиги қуйидаги тенглама орқали ифодаланади
L=L₀ (1+ t);
L₀ –0⁰С да жисм узунлиги; - жисмнинг ўртача чизиқли кенгайиш температура коэффициенти, град^-1.
Дилатометрик термометр (расм.8), чизиқли кенгайиш температура коэффициенти катта бўлган (мис, латун ёки алюмин) материалдан ясалган ва ўлчанаётган мухитга жойлаштирилган бир томони берк бўлган трубка 1 дан, ҳамда бу трубка ичига ўрнатилган ва пружина 4 ва ричаг3 билан унинг тубига сиқиб турилган стержень 2 дан ташкил топган. Стержень чизиқли кенгайиш температура коэффициенти кичик бўлган материал (фарфор, кварц, ёки инвар қотишмаси)дан тайёрланади. Объектдаги температура ўзгариши билан трубка 1 узунлиги ўзгаради ва бу чизиқли ўлчамлари деярли ўзгармаган стерженни силжишига сабаб бўлади. Бу силжиш ричаглар орқали ўлчов асбоби стрелкасига узатилади.

Расм. 8
Биметаллик термометр (расм.9) иккита эгилган ва ўзаро ковшарланган металл полоскалардан ташкил топган бўлиб, полоска 1, чизиқли кенгайиш температура коэффициенти ( ) катта материалдан ва полоска 2, чизиқли кенгайиш температура коэффициенти ( ) кичик бўлган материалдан тайёрланган бўлади. Ушбу полоскалардан ташкил топган биметаллик пластинка, температура ўзгаришига қараб эгилиш даражасини ўзгартиради ва бу тяга 3 ва ричаг 4 орқали ўлчов асбоби стрелкасига узатилади. Температура ошганда биметаллик пластинка чизиқли кенгайиш температура коэффициенти кичик бўлган металл томонга қараб бурилади ( ).

Расм.9
Механик термометрлар асосан сигналловчи асбоблар сифатида ишлатилади. Биметаллик термометрлар температура компенсаторлари сифатида, бошқа ўлчов асбобларига ўрнатилиб, уларнинг кўрсатишига атроф мухит температурасининг таъсирини компенсациялаш учун қўлланилади.