Основные понятия об измерениях и измерительных приборах

Электрокондуктометрик газоанализаторлар
Бу газоанализаторларнинг ишлаши газ таркибидаги компонентни абсорбциялаб олган эритманинг электр ўтказувчанлигининг ўзгаришига асосланган.
Ўлчаш ячейкасига берилаётган эритма (расм 84), газ таркибидан аниқланаётган компонентни абсорбциялаб олиши натижасида, унинг электр ўтказувчанлиги ўзгаради.

Расм. 84.
Электр ўтказувчанлигининг ўзгариши эритмага ютилган ўлчанаётган компонент миқдорига пропорционал бўлади. Абсорбцияловчи эритма сифатида одатда, қиймати аниқланаётган компонент билан қайтмас кимёвий реакцияга кирувчи эритмалар олинади. Масалан:
С О + Ва (ОН)₂ Ва СО₃ + Н₂О
Диссоциацияланган молекулалар сони ўзгариши натижасида, электр ўтказувчанлиги ўзгаради
Газ аралашмаси таркибидаги аниқланаётган компонентнинг процент миқдори, электр ўтказувчанлик ўзгаришининг шу вақт ичида ўтган газ аралашмаси хажмига нисбатига пропорционалдир, яъни:
С = а₁
Δ R –Δt вақт ичида қаршиликнинг ўзгариши;_{____}
ΔV- Δt вақт ичида ўтказилган газ аралашмаси хажми;
V – газ тезлиги.
Тенгламадан кўриниб турибдики, ўлчанаётган компонентнинг миқдорини аниқ ўлчаш учун газ сарфини стабиллаш ва уни ютувчи эритма сарфи билан маълум нисбатда ушлаб туриш керак. Шуниндек, эритмаларнинг электр ўтказувчанлиги температура ўзгариши билан ўзгаришини инобатга олиб, температура компенсациясини амалга ошириш керак.
Ушбу электрокондуктометрик ячейкани ўлчаш кўпригининг бир елкасига улаб, концентрация ўзгариши ўлчанади (расм 85). Электрокондуктометрик газоанализаторлар ёрдамида СО₂, SO₂, NH₄ ва бошқа компонентларнинг газ таркибидаги миқдорини ўлчаш мумкин. Ўлчаш кўприги манбаъси сифатида, ўлчаш ячейкаси электродларининг қутбланишининг олдини олиш мақсадида, ўзгарувчан ток олинади.

Расм 85.
Газ таркибидаги NH₄ миқдорини, уни ютган эритманинг электр ўтказувчанлигини ўлчаб аниқлайдиган газоанализаторни кўриб чиқамиз.
Тахлил қилинаётган газ технологик қувирдан газни тайёрлаш қурилмаларидан ўтиб, яъни, филтрловчи қурилма (1), филтрлаш ва ростлаш блоки (2) орқали газоанализатор датчигига берилади (расм 86). Газоанализатор датчиги (3) термостатланган. Газ белгиланган босимда ва сарфда, термостатда жойлашган иситгич (4)дан ўтиб, насос дозатор (7)га берилади. Насос дозаторга шунингдек термостатланган (иситгич 5да) кичик концентрацияли водород хлорид кислотаси (соляная кислота) берилади. Насос дозаторда ютувчи эритма ва газ аралашмаси яхши аралашиши билан бирга, уларни маълум бир нисбатда электрокондуктометрик ячейка (6)га берилиши таъминланади.

Расм 86.
Эритма газ аралашмасидаги аниқланаётган компонентни ютиши натижасида, эритманинг электр ўтказувчанлиги ўзгаради. Бу ўзгариш электрокондуктометрик ячейкани номувозанат кўпригининг бир елкасига улаб ўлчанади. Ўлчаш хатолиги ўлчаш диапазонининг 5% миқдорида бўлади.