Основные понятия об измерениях и измерительных приборах

Ультратовуш сатх ўлчагичлар
Ультратовуш сатх ўлчагичлар мухит билан контактсиз равишда сатхни ўлчаш имкониятига эгадирлар. Уларда, одатда товуш тўлқинларини суюқлик ва газни ажратиб турувчи чегарадан қайтиш принципидан фойдаланилади. Сатхни ўлчаш, қайтган товуш тўлқинларининг кечикиши бўйича аниқланади. Вақт ўлчагичида олинган, кечикиш вақтига пропорционал бўлган ўзгармас кучланиш, иккиламчи ўлчагичга юборилади.


Сочилувчан моддалар сатхини ўлчаш
Сочилувчан моддалар сатхи одатда қалқовучли, радиоизотоп, электр сиғимли ва оғирлик сатх ўлчагичлари ёрдамида ўлчанади. Оғирлик сатх ўлчагичларининг қўлланилиши, бункерни осиб қўйиш конструктив мураккабликлар келтириб чиқармаса, мумкин ҳисобланади.

Расм 80.

Сигнал ўзгартиргич сифатида хар хил тортиш (тороз) қурилмаларидан фойдаланиш мумкин. Чегара ёқиб-ўчиргичлар сигнал ўзгартиргич сифатида ишлатилиши мумкин. Бункер юкланганда таянч пружиналар сиқилиб, бункер вертикал бўйича чизиқли силжийди. Маълум сатхга етганда чегара ёқиб ўчиргичлар ишлайди. Сигнал ўзгартиргич сифатида мессдозалардан (расм 80) фойдаланиш мумкин. Бунда, бункер таянчига берилаётган босим ўлчанади. Бу босим бункерни материал билан тўлишига мос босим бўлади.

Ўлчов асбоби комплектига, сатх бирлигида градуировкаланган манометр 3 билан уланган гидравлик мессдоза 1 киради. Бункернинг бир тирсаги, эгилувчан мембрана ёрдамида герметикаланган, поршенли металл корпус кўринишидаги таянч ҳисобланган мессдозага босади. Мессдоза-манометр тизимидаги босим бункернинг ва уни тўлдириб турувчи материалнинг оғирлик кучини, мессдоза поршени юзаси нисбатига тенг.

ГАЗЛАРНИ ТАХЛИЛ ҚИЛИШ УСУЛЛАРИ

Замонавий бошқариш тизимларини тузишда, технологик оқимда автоматик равишда газларни тахлил қилаоладиган усуллар ва асбобларни ишлаб чиқиш талаб қилинади. Бу эса, ўз навбатида янги такомиллашган аналитик ўлчов асбобларини ишлаб чиқиш бўйича янги масалаларни қўяди. Газ аралашмаларини тахлил қилувчи аналитик асбобларга газоанализаторлар, масспектрометрлар ва хроматогрофлар киради.