Оқсилларнинг тузилиши ва биологик функциялари

Оқсилларни ҳар хил кимёвий тамғалар киритиш орқали модификациялаш.
Оқсиллар тузилишини ва вазифаларини текширишда физик-кимёвий (УБ-, И+-, ЯМР-, ЭПР- ва масс-спектроскопия ҳамда рентген тузилиш анализ) методлари кенг қўлланилади. Масалан, оқсилларни иккиламчи тузилишини эритмаларда аниқлаш учун УБ-спектроскопиядан фойдаланиш мумкин. Бунинг учун полилизин молекуласини 180-210 нм да спектри аниқланганда ундаги -спираль кичкина гипохром, -тузилиш эса катта гиперхром ютилишни кўрсатади.
И+-спектроскопия орқали оқсилларнинг пептид боғларини цис- ёки транс-ҳолатда тузилишларини кўрсатилади. Агарда спектрда 1550 см^-1 ютилиш содир бўлса транс-пептид боғлари борлигини кўрсатади, бундай частотани цис-конформацияланиш бермайди. Оқсил молекуласида парамагнит марказлар борлигини ЭПР-спектроскопия орқали аниқлаш мумкин бўлади. Оқсиллар молекуласидаги спин-спин таъсирлашувларни ЯМР-спектроскопия орқали билиш мумкин. Баъзи оқсиллар тузилишини, улардаги конформацион ҳолатларни, ҳамда бу молекулалардаги биологик актив хоссаларни тушунтиришда аввал улар молекуласи ҳар бир спектроскопик методлар учун мос келадиган кимёвий тамғалар (гурухлар) киритиб модификацияланади, сўнгра маълум методлар орқали текширилади. Масалан, оқсилларнинг конформацион тузилишини ўқиш учун улар таркибига худди гемоглобиндаги гемга ўхшаш парамагнит марказ ёки қобирғали тамға (ҳар хил жуфтлашмаган электрон тутувчи гурух) киритилади ва уларни ЭПР спектрлари ўқилади. Бу метод билан одатда молекулалараро оралиқўлчанади ва молекула шакли аниқланади.
Оқсил ёки пептид молекуласини полимерга ковалент ҳолатда бириктириш
Бу йўл билан «иммобиллашган» препаратларни, масалан, иммобиллашган ферментларни олиш ёки биоспецифик (аффин) хроматография учун юқори эффективликка эга бўлган ташувчиларни яратиш мумкин.
Иммобилашган ферментларни олиш ва улардан фойдаланиш юқорида кўрсатиб ўтилган. Агарда табиий лигандлар УБ нур билан нурланса фотоаффин модификациялаш юзага келиб фотореактив гурухлар пайдо бўлади ва оқсиллардаги ҳар хил гурухлар билан таъсирлашиш қобилиятига эга бўлган эркин радикаллар ҳосил бўлади.
Бундай активланишга эга бўлган бирикмаларга арилазид ва диазобирикмаларни киритиш мумкин. Улар фотолизланганда мос ҳолдаги нитренлар ва карбенларни ҳосил қиладилар: