Ortiqova dilbar ortiqovna obidjanova feruza abdullayevna masharipova gularam kamilovna

 
ANDISHA — 
yuksak ma’naviyatga xos, axloqiy tarbiya natijasida 
shakllanadigan ma’naviy-axloqiy tushuncha, Etika fanining me’yoriy tushunchasi, 
“Ma’naviyatshunoslik”, “Ma’naviyat asoslari” fanlarining asosiy kategoriyalaridan 
biri. Kishilar b-n bo‘lgan munosabatda oqibatini atroflicha o‘ylab munosabatda 
bo‘lish, mulohaza qilish A.ning o‘ziga xos xususiyatlaridandir. A.li inson o‘z hatti-
harakati, ma’naviy-ruhiy qarashlarida yuksak axloqiy tamoyillardan kelib chiqqan 
holda faoliyat yuritadi. Bunday inson o‘zgalarni oliyjanob axloqiy me’yorlarga 
asoslangan holda qadrlaydi.
 
BURCH
— jamiyat, davlat va shaxslarga nisbatan muayyan individdagi 
munosabat, ular oldidagi majburiyat. U vijdon, e’tiqod, mas’uliyat kabi tushunchalar 
b-n mustahkam bog‘liq. Umuman, hayotda insonning har bir hatti-harakati zamirida 
B. ga sadoqat yoki xiyonat yotadi. B. ning insonlik B.i, musulmonlik B.i, nasroniylik 
B.i, fuqarolik B.i, otalik B.i, onalik B.i, farzandlik B.i singari barcha davrlar uchun 
umumiy bo‘lgan tushunchalari ham, jurnalistlik B.i, shifokorlik B.i, olimlik burchi 
kabi kasbiy odob doirasidagi tushunchalari ham mavjud. B. tushunchasining o‘ziga 
xos jihatlaridan yana biri – uning vaqt va jamiyatda muayyanlashish xususiyati.
 
VIJDON
— ma’naviyatdagi ta’sir doirasi nihoyatda keng tushunchalardan biri. 
V. – Z. Froyd ta’biri b-n aytganda, alo men, men ustidan nazorat o‘rnatib, uni 
boshqarib turuvchi ikkinchi bir, yuqori darajadagi men. Agar uyat hissi insonning 
tashqi, jamiyatga bog‘liqligidan kelib chiqsa, V. uning ichki o‘z-o‘ziga bog‘liqligini 
namoyon etadi. Bu ichki bog‘liqlik tashqi bog‘liqlikka nisbatan teran va doimiydir: 
uyat ma’lum bir vaqt ichida odamning o‘z nojo‘ya harakati tufayli yuzaga kelgan 
o‘ng‘aysizligi bo‘lsa, V. azobi, bu oddiy o‘ng‘aysizlik emas, balki qalbdagi, 
odamdagi odamiylikka e’tiqodning faryodi, talabi; uni qondirmas ekansiz, hech 
qachon azob to‘xtamaydi. 
BO‘YINBOG‘
- bo‘ynibog‘ doimo egasining didini aks ettirib keladigan 
aksessuar hisoblanadi. Kostyum-shim bilan kiyish uchun ipak yoki sun’iy ipakdan 
bo‘lgan yoki sun’iy toladan hamda bir-ikkita sherst bo‘yinbog‘lar xarid qilib olish 
lozim. Bo‘yinbog‘ni tanlash kostyum fasoni va matosining rangi, rasmiga bog‘liq. 

---

224 
Jiddiy kostyumga tabiiy hamda sun’iy ipakdan bo‘lgan bo‘yinbog‘lar to‘g‘ri keladi. 
Kapalaksifat bo‘yinbog‘lar alohida vaziyatlar uchun mo‘ljallangan. Ular odmi va 
nafis tusda bo‘lishlari lozim. Mayda rasmli kostyumga har qanday bo‘yinbog‘ 
bo‘laveradi. Olachipor kostyumga bir tusdagi bo‘yinbog‘ mos tushsa yaxshiroq 
bo‘ladi. Ammo bunda ikkita qoidaga amal qilish lozim: yo bo‘yinbog‘ni 
tanlayotganda uni kostyum rangi bilan bir tusda, ammo sal ochroq yoki sal to‘qroq 
bo‘lishiga harakat qilish kerak. Chunki bu bilan ular bir-birini to‘ldirib turadi, yoki 
kostyum va bo‘yinbog‘ bir-biriga qarama-qarshi tusda (albatta, uyg‘unlashgan holda) 
bo‘lishi lozim. Lekin bundan qarama-qarshilik sizda yagona bo‘lishi kerak!