O’rta maxsus

2-§. CHIZIQLI TUZILMALI ALORITMLAR

Endi barcha algoritmlarni asosini tashkil etuvchi algoritmik tuzilmalardan biri bilan tanishtiramiz. Algoritmik tuzilmalarning ahamiyatga molik tomoni shundan iboratki, har bir asos tuzilmada bitta kirish hamda bitta chiqish bo‘ladi.
Chiziqli tuzilma ketma-ket keladigan oddiy harakatlardan, masalan, qiymat kiritish, chiqarish yoki qiymatni o‘zlashtirish kabi oddiy ko‘rsatma berishdangina iborat bo‘ladi.

So‘zlar orqali	Blok-sxema ko‘rinishida
oddiy harakat 1 oddiy harakat 2 … oddiy harakat N

Bu tuzilmada kirishdan boshlab chiqishgacha har bir ko‘rsatma kelish tartibida birma-bir bajariladi. Demak, hozirgacha ko‘rilgan barcha masalalarning algoritmlari chiziqli tuzilmadangina iborat ekan.
Chiziqli tuzilmalar sodda bo‘lgani uchun algoritmlarini dastur ko‘rinishida ham tasvirlaymiz. Chiziqli tuzilmalarni dastur ko‘rinishida aks ettirish uchun, odatda, o‘zlashtirish operatori, ma’lumotlarni xotiraga muloqot usulda kiritish va ma’lumotlarni ekranga chiqarish protseduralari yetarlidir.
3-§. MA’LUMOTLARNI EKRANGA CHIQARISH PROTSEDURALARI
Dastur matn holatida ishlaganda kompyuter xotirasidagi ma’lumotlarni yoki turli ifodalar natijasini kompyuter ekraniga chiqarish uchun chiqarish protsedurasidan foydalaniladi. Paskalda matnli ma’lumotlarni ekranga chiqarish protseduralari quyidagi ikki xil ko‘rinishga ega:

Write(chiqarish ro‘yxati) va WriteLn(chiqarish ro‘yxati)

bu yerda Write (ing. – yozmoq) va Writeln Paskalning xizmatchi so‘zlari; chiqarish ro‘yxati – o‘zaro vergul bilan ajratilgan va ekranga chiqarilishi kerak bo‘lgan ifoda, o‘zgaruvchi yoki o‘zgarmaslar ketma-ketligi. Chiqarish ro‘yxatida ifoda qatnashsa, avval ifoda hisoblanib, hosil bo‘lgan natija ekranga chiqariladi. Chiqarish ro‘yxatidagi o‘zgarmaslar belgili yoki satrli bo‘lsa, albatta apostrof ichiga olinishi shart.