O’rta maxsus ta’lim vazirligi qo'qon davlat pedagogika instituti boshlang’ich ta’lim kafedrasi ona tili o‘qitish metodikasi fanidan

O’ZBEKISTON RESPUBLIKASI OLIY VA
O’RTA MAXSUS TA’LIM VAZIRLIGI


QO'QON DAVLAT
PEDAGOGIKA INSTITUTI
BOSHLANG’ICH TA’LIM KAFEDRASI


ONA TILI O‘QITISH METODIKASI
fanidan


O'QUV-USLUBIY МAJMUA


(3 - kurs)

Bilim sohasi:	100000 – Gumanitar soha
Ta’lim sohasi:	110000 – Pedagogika
Bakalavr yo’nalishi:	5111700 – Boshlang’ich ta’lim va sport tarbiyaviy ish

QO’QON-2021

O’quv-uslubiy majmua Oliy va O’rta Maxsus Ta’lim Vazirligining 2020 yil 29.08 dagi “3” sonli buyrug’i bilan tasdiqlangan “Ona tili o’qitish metodikasi” fan dasturi asosida ishlab chiqilgan.

Tuzuvchilar:

Nizomiddinova Dildora Nosirovna	- Qo’qon DPI Boshlang’ich ta’lim kafedrasi katta o’qituvchisi
Taqrizchi: Isaqov Zokirjon Soliyev	-Qo’qon DPI Boshlang’ich ta’lim kafedrasi dotsenti

O‘quv-uslubiy majmua Qo‘qon Davlat Pedagogika instituti Kengashining 2021 yil “29” 08 dagi “ 1 ” - sonli yig‘ilishida ko‘rib chiqilgan va ishlatishga tavsiya qilingan.

MUNDARIJA

I.	O’QUV MATERIALLAR
1)	Ma’ruza mashg’ulotlari
2)	Amaliy, seminar, laboratoriya mashg’ulotlari
II.	MUSTAQIL TA’LIM MASHG’ULOTLARI
1)	Mustaqil ta’lim mavzularini o’zlashtirish bo’yicha uslubiy ko’rsatmalar
2)	Kurs ishi yozish bo’yicha tavsiyalar
III.	GLOSSARIY
IV.	ILOVALAR
1)	Fan dasturi
2)	Ishchi fan dastur
3)	Tarqatma materiallar
4)	Testlar
5)	Baholash mezonlari
6)	Boshqa ma’lumotlar (fan bo’yicha boshqa materiallar mavjud bo’lsa keltiriladi)
7)	O’UMning elektron variant (CD yoki DVD diskda)

I O’QUV MATERIALLARI

1. MA’RUZA MASHG’ULOTLARI

Ma’ruza mashg’ulotlari


1-MODUL. BOSHLANG’ICH SINFLARDA ONA TILI O’QITISH METODIKASINING UMUMIY MASALALARI.


1-mavzu: Boshlang‘ich sinflarda ona tili o‘qitish metodikasi fanining predmeti va vazifalari. Ona tili o‘qitish prinsiplari. Ona tili o`qitish metodikasining tekshirish usullari.


Reja:
1.Boshlang’ich sinflarda ona tili o’qitish metodikasining predmeti va vazifalari.
2.Ona tili o’qitish prinsiplari.
3.Ona tili o`qitish metodikasining tekshirish usullari.
4. Boshlang’ich sinf ona tili dasaturining tuzilishi.


Tayanch so`z va iboralari: grammatika, fonetika, savod o’rgatish metodikasi, grammatika va imlo o’quvchilarda bog’lanishli nutqni o’stirish metodikasi, “Ta’lim to’g’risida”gi qonun,”Kadrlar tayyorlash” Milliy dasturi, til ma’nolari, tilga sezgirlik, empirik metod, eksperimental tekshirish,til ma’nolarini tushunish tamoyili, nutqning ifodaliligiga baho berish tamoyili, orfoepik va orfografik qoidalar, og’zaki qayta hikoyalash.


I.BOSHLANG’ICH SINFLARDA ONA TILI O’QITISH METODIKASINING PREDMETI VA VAZIFALARI.
Ona tili o’qitish metodikasi - pedagogik va amaliy fan. Chunki u nazariyaga asoslanib o’quvchilarni o’qitish, tarbiyalash, o’stirishning amaliy vazifalarini bajaradi.
Ona tili o’qitish metodikasining predmeti ta’lim berish jarayonida ona tilini egallash, ya’ni nutqni, o’qish va yozishni, fonetika, grammatika kabilarni bilib olish jarayoni hisoblanadi.
Ona tilidan ko’nikma va malakalarni shakllantirish, til haqidagi fanning ilmiy tushunchalar sistemasini o’zlashtirish qonuniyatlarini o’rganadi, til o’rganishning eng qulay metod va usullarini izlaydi .
Ona tili o‘qitish metodikasi amaliy fan sifatida uch vazifani bajaradi:
1. Nimani o‘qitish kerak? savoliga javob beradi, ya’ni boshlang‘ich sinf uchun dasturlar ishlab chiqadi, darslik va o‘quv qo‘llanmalarini yaratib beradi. Ularning samaradorligi va muvofiqligini doimiy tekshirib boradi.