O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning maqsad va vazifalari
“Bolalar adabiyoti” fanining maqsad va vazifalari quyidagilardan iborat:

• 
  O’quvchilarni bolalar adabiyoti va xalq og’zaki ijodining o’ziga xos xususiyatlari, uning taraqqiyot bosqichlari bilan tanishtirish;
  
• 
  Maktabgacha ta’lim yunalishi o’quvchilariga o’zbek bolalar adabiyoti namoyondalari va ularning ijodi haqida eterli bilim berish;
  
• 
  Bolalar adabiyotining paydo bo’lishi, bolalar adabiyotining boshqa fanlar bilan bjg’liqligi haqida tushuncha berish;
  
• 
  O’quvchilarni xalq og’zaki ijodi namunalarini tahlil eta olishga o’rgatish, shuningdek, ularni yuksak axloqiylik, ruhiy barkamollik, insoniy qadriyatlarga sodiqlik, ma’naviy merosga muhabbat ruhida tarbiyalash.
  

Fan bo’yicha o’quvchilarning bilimi, ko’nikma va
malakalariga qo’yiladigan talablar
Bilimlar: Fanni o’rganish natijasida o’quvchilar quyidagi bilimlarga ega bulishi kerak.

• 
  o’rganilayotgan asardagi yozuvchi yoki shoirning maqsadi, asarning bosh g’oyasi, timsollariga xos xususiyatlarini;
  
• 
  asar matnini sharhlashni, qismlarga bo’lib reja tuzishni, timsollarga tavsifnoma bera olishni, topib o’qish, tanlab o’qish, sharxlab o’qish turlaridan foydalana olishni;
  
• 
  ifodali o’qish, qayta hikoyalash;
  
• 
  o’rganilayotgan asar qaysi yoshdagi bolaga mo’ljallanganligini, qanday tarbiyaviy ahamiyatga ega ekanligini mustaqil aniqlay olish;
  
• 
  asardagi ba’zi ko’rinishlar hamda, qahramonlarga oid ko’rgazmali qurollar ishlay olish.
  

Ko’nikma: Fanni o’rganish natijasida o’quvchilar quyidagi ko’nikmalarga ega bulishi kerak.

• 
  bolalarga mo’ljallangan asarlarning o’ziga xos xususiyatlari, g’oyaviy - estetik qimmati, tarbiyaviy maqsadi bilan tanishtirish va shu asarlarni mustaqil tushunib olish ko’nikmasini hosil qilish.
  
• 
  bolalar uchun yaratilgan eng yaxshi asarlar haqidagi ma’lumotlarni kengaytirish, barcha yoshdagi bolalarga mo’ljallangan asarlar ustida ishlay olish ko’nikmalarini singdirish.
  
• 
  bolalar uchun yozilgan asarlarni mustaqil tahlil qilish, uning axloqiy, estetik tarbiya berishdagi o’rnini aniqlay olish, kitoblarga annotattsiyalar yoza olish ko’nikmasiga ega bo’lish.
  
• 
  xalq og’zaki ijodining rang – barang janrlaridan to’g’ri va asosli foydalana olish, o’zbekona axloqiy sifatlarini singdira olish, ravon fikrlay olish ko’nikmalarini singdirish.
  

Malaka: O’quvchilar qo’yidagi malakalarga ega bo’lishi lozim.

• 
  O’z kasbiy faoliyatida asosli mustaqil qarorlarni qabul qila olishi;
  
• 
  Matnlarni tahlil qilishi, umumlashtirish va shu asosda xulosa chiqara olish;
  
• 
  O’z ustida ishlashi va o’z mehnatini ilmiy asosda tahlil qila olishi;
  
• 
  Yangi bilimlarni mustaqil egallay bilishi, an’anaviy va noan’anaviy metodlar, ilg’or pedagogik texnologiyalarni fan va mavzularni o’tish chog’ida tanlay olishi.
  
• 
  asarlarni ifodali o’qish, ta’sirchan, qiziqarli qayta hikoyalay olish malakasini oshirish;