O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Ko’nikma: Fanni o’rganish natijasida o’quvchilar quyidagi ko’nikmalarga ega bo’lishlari kerak:

• 
  o`quvchilar psixologik tasavvurga ega bo`lishlari va ularni o`z kundalik tajribalarida qo`llay bilish;
  
• 
  “Ta`lim to`g`risida” gi Qonuni va “Kadrlar tayyorlash Milliy dasturi”, “Maktabgacha yoshdagi bolalar rivojlanishiga qo’yiladigan Davlat talablari” , “Bolajon” tayanch dasturi, “Bola shaxsiga yo’naltirilgan ta’lim” psixologiyaning vazifalarini aniqlay olish;
  
• 
  psixologik metodlar asosida bolaning psixik jarayonlari va xususiyatlarini aniqlab berish;
  
• 
  “Men” – obrazi orqali o`z-o`zini anglash, baholash;
  
• 
  bilish jarayonlarini anglash va boshqarishga o`rgatish, o`z ustida ishlash ko`nikmasini hosil qilish;
  
• 
  bolalar psixik taraqqiyoti qonuniyatlari asosida kasbiy fazilatlarni shakllantirish;
  
• 
  bola psixik taraqqiyotiga ta’sir qiluvchi yetakchi omillarni aniqlay olish;
  

Malaka:

• 
  o`quvchilar guruhlarida shaxslararo munosabatlarni o`rganish malakalariga ega bo`lish;
  
• 
  faoliyat turlarini farqlay bilish va o`zining ichki imkoniyatlarini hisobga olish;
  
• 
  bolalar psixologiyasi asosida turli yosh guruhidagi bolalar bilan individual munosabatda bo`lish;
  
• 
  mavzular asosida mustaqil izlanish – axborot kommunikatsion texnologiyalari internet saytlari, ommaviy axborot vositalaridan (gazeta, jurnal, teleko’rsatuvlar, qo’shimcha adabiyotlar, uslubiy tavsiyalardan); foydalana olish malakasi;
  
• 
  amaliyotda tajribalar o’tkazish va natijalarni tahlil qila olish malakalariga ega bo’lishlari kerak.
  

Fanning o’quv rejadagi boshqa fanlar bilan bog’liqligi, uslubiy jihatdan
uzviyligi va ketma-ketligi
Bolalar psixologiyasi fani umumkasbiy fanlardan anatomiya, fiziologiya va gigiyena, maktabgacha ta’lim pedagogikasi, umumta’lim fanlaridan oila psixologiyasi, maxsus fanlardan; maxsus psixologiya, korreksion ishlar metodikasi, defektologiya asoslari, maktabgacha yoshdagi bolalar nutqini o’stirish nazariyasi va metodikasi, bolalar adabiyoti, logopediya, maktabgacha ta’lim yoshidagi bolalarning matematik tushunchalarni rivojlantirish nazariyasi va metodikasi, rasm, buyumlar yasash va tasviriy faoliyat metodikasi kabi fanlar bilan o’zaro bog’langan. Maxsus fanlar psixologiya negizida ish ko’radilar.
Fanning 1-4 semestrlarda (pedagogik amaliyot 3-semestrdan boshlab o’tilishi sababli asosiy soatlar xajmi 2-kursda o’tilishi mavzularni amaliy kuzatishlar bilan bog’lab o’zlashtirishga yordam beradi) o’qitilishi yuqoridagi fanlarni egallashlari va o’zlashtirishlari uchun zamin xozirlaydi va fanlararo uzviylikni ta’minlaydi. Fan anatomiya fani bilan uzviy bog’langani sababli bir vaqtda yoki 1 semestr keyin o’qitilishi, maxsus psixologiya, oila psixologiyasi fanlar esa psixologiya kursi tugagach o’qitilishi maqsadga muvofiqdir. Fanning pedagogik amaliyot jarayoni bilan uzluksiz holda o’qitilishi o’quvchilarning nazariy bilimlarni amaliyotda qo’llashga, bilim sohasidagi ko’nikma va malakalrni egallashlariga yordam beradi.