O‘rтa maxsus, kasb-hunar тa’limi markazi

125-mashq. Quyidagi so‘zlarni bo‘g‘inlarga ajratib ko‘chiring.

Harf, shogird, manba, sunbul, tinglamoq, ko‘ngil, qalb, singil, jingalak, dekabr, kiosk, teleks, faks, juft, mustaqillik, xushchaqchaqlik, ma’ruza, jahl, albom, mudofaa, taassurot.

126-mashq. Uyga vazifa. Quyidagi hikoyachani o‘qib, so‘zlarni bo‘g‘inlarga ajratib yozing.

Ko‘P TILNI BILUVCHILAR BAHSI

Brusselda qiziq tanlov bo‘lib o‘tdi. Unda G‘arbiy Yevropa mamlakat­laridagi poliglotlar — ko‘p tilni biluvchilar o‘zaro kuch sinashdilar. Poliglotlar uchun eng kamida 9 ta tilni bilish (bunga lotin va esperanto tillari kirmagan) shart qilib qo‘yildi.

Tanlov tashkilotchisi, Belgiyaning Xassalte shahridagi zamonaviy tillarni o‘rganish markazining boshlig‘i E. Xarmansning ta’kidlashicha, bu musobaqa sportchilarning ko‘pkurashi shaklida uyushtirilgan. Hakamlikka esa baholanadigan til ona tilisi bo‘lgan til sohiblari taklif qilingan.
Bu tanlovda Buyuk Britaniya vakili, o‘rta maktab o‘qituvchisi D. Xer g‘olib chiqqan. U 23 ta tilda erkin gaplasha olar ekan.


Savol va topshiriqlar

1. Segment birliklar deganda nimani tushunasiz?

2. Ustsegment birliklar nima?
3. Ohang nimalarni o‘z ichiga oladi?
4. Bir jumla tuzib, unga ohang jihatidan tavsif bering.
5. Bo‘g‘in deb nimaga aytiladi?
6. Ochiq va yopiq bo‘g‘inlar haqida gapirib bering.
7. Bo‘g‘inlarning tashkil topishida unli va undosh tovushlar qanday rol o‘ynaydi.
8. Urg‘u nima?
9. So‘z urg‘usi haqida gapirib bering.
10. Ma’no urg‘usi deganda nimani tushunasiz?
ORFOGRAFIYA VA PUNKTUATSIYA


19-dars. o‘ZBEK TILINING YANGI IMLO QOIDALARI


Darsning maqsadi:
a) ilmiy maqsad: o‘quvchilarning ongida yangi imlo qoidalari yuzasidan bilim va malakalar hosil qilish;
b) o‘quvchilarni do‘stlik va qardoshlik ruhida tarbiyalash.