Оролбўйи минтақаси туризмини стратегик ривожлантиришда ижтимоий медиа

“Халқаро молия ва ҳисоб” илмий журнали. №4, август, 2021 йил. ISSN: 2181-1016
Тадқиқот давомида ўтказилган интервьюларнинг барчаси Оролбўйи 
минтақасининг туристик йўналиш(дестинация)ларини тарғиб қилишда 
қўлланилаётган стратегиялар, чоп қилинган маълумотлар ҳамда қабул 
қилинган қарорларга бағишланган. Контент таҳлил даврида тўпланган 
маълумотларни кундалик фаолияти давомида ижтимоий медиа тармоқлар 
орқали туристик йўналиш(дестинация)ларни тарғиб қилишни яхши 
биладиган мутахассисларнинг баҳолари билан таққослаш ўринли деб 
ҳисобладик.
 
Таҳлил ва натижалар
Қорақалпоғистон Республикасининг муҳим туристик йўналиш 
(дестинация)ларини ижтимоий медиа тармоқлари ёрдамида тарғиб қилиш 
бўйича сезиларли ишлар амалга оширилган. Жумладан, Қорақалпоғистон 
Республикасининг туризм салоҳиятини ўзида муажассам акс эттирган 
http://www.karakalpakstan.travel
 
ҳамда Хоразм вилоятининг туристик 
имкониятларини ўзида қамраб олган 
www.travelkhorezm.com
 веб саҳифалари 
ишга туширилган. Мазкур веб саҳифалар Facebook, Instagram, You tube ҳамда 
Telegram каби ижтимоий медиа тармоқларида мавжуд. Аммо, шуни алоҳида 
таъкидлаб лозимки, бугунги кунда Оролбўйи минтақасида туризм 
хизматлари глобал интернет ижтимоий тармоқларидаги тарғиботи талаб 
даражасида эмас. Масалан, туризм соҳасидаги машҳур 
www.booking.com
 веб 
саҳифасида 2019 йилда Хоразм вилоятининг 152 та меҳмонхонасидан 68 таси 
(45%и), Қорақалпоғистон Республикасининг 45 та меҳмонхонадан 11 таси 
(25%и) қайд қилинган. БТТ (Бутунжаҳон туристик ташкилоти) ҳамда ЕТТБ 
(Европа тикланиш ва тараққиёт банки) нинг “Хоразм вилояти ва Хива 
шаҳрининг сайёҳлик профилини ўрганиш” бўйича 2020 йилги ҳисоботини 
таҳлил қилиш жараёнида, хорижий ва маҳаллий туристларнинг Хоразм 
вилоятига ташриф буюришига таъсир кўрсатишда фойдаланилган ахборот 
манбалари ўрганилган. Таҳлил натижаларига кўра, хорижий туристларнинг 
вилоятга ташриф буюришида ахборот манбалари сифатида ижтимоий медиа 
тармоқларининг таъсир юқори бўлмаганлиги кўриш мумкин (1-диаграмма).