Оролбўйи минтақаси туризмини стратегик ривожлантиришда ижтимоий медиа

 
Key words:
tourism, tourist destination, social media, touristic image, Aral Sea region 
 
Кириш
Бугунги интернет ва бошқа ахборот алоқаларидан фойдаланиш 
технологиялар туризм соҳаси ривожланишини янги даврга олиб чиқди. 
Ижтимоий медиа энг кучли онлайн тармоқ воситаларидан бири сифатида 
бугунги дунёда ижтимоий ва иқтисодий ҳаётнинг бир қисмига айланди. 
Ижтимоий медиа – инсонлар ўртасида ўзаро таъсир воситаси бўлиб, улар 
таркибига виртуал жамоалар ва тармоқларда контентларни 
яратиш, 
алмашиш ва шарҳлаш киради [1]. Ижтимоий медиа ижтимоий тармоқ 
сайтларини, блогларини, микроблогларни, истеъмолчилар шарҳлари 
сайтларини, викиларни, интернет форумларини ўз таркибига олади.
Ижтимоий медианинг туризм индустриядаги ўрни тобора кўпроқ қайд 
қилиниб, бугунги кунда ушбу мавзу доирасида кенг кўламдаги тадқиқотлар-

---

“Халқаро молия ва ҳисоб” илмий журнали. №4, август, 2021 йил. ISSN: 2181-1016
ни амалга оширилмоқда. Ижтимоий медиа туризмнинг кўплаб жиҳатларида, 
хусусан, ахборот қидириш ва қарорлар қабул қилишда, туризмни тарғиб 
қилиш ҳамда турли хил каналлар орқали истеъмолчилар билан ўзаро муноса-
батларнинг энг яхши тажрибаларига эътибор қаратишда муҳим рол ўйнайди 
[2].
Бугунги кунда туристик маҳсулотни силжитиш учун ижтимоий медиа 
устувор стратегиялардан бири ҳисобланади. Жуда кўпчилик дунё 
мамлакатлари туризм маҳсулотлари ва хизматларини реалиазация қилишда 
муҳим воситаси сифатида ижтимоий медиа технологияларидан фойдаланиш-
ни афзал кўрмоқда. Охирги йилларда туризм индустриясида ижтимоий 
медиадан фойдаланиш бир неча баробарга ошган. Бу туристик фирмалар ўз 
турмаҳсулотлари ва хизматларини силжитишда ҳамда мавжуд ва янги 
мижозлар базасини эгаллашда ижтимоий медиадан фойдаланиш тежамли ва 
рентабелли бўлиши билан боғлиқ ҳисобланади [3].
Мамлакатимизнинг Оролбўйи минтақаси туризмини ривожлантиришда 
ижтимоий медиа технолгияларининг ўрни муҳим аҳамият касб этади. 
Оролбўйи минтақалари ҳисобланган Қорақалпоғистон Республикаси ва 
Хоразм вилояти туристик йўналиш(дестинацияси)ларини ижтимоий медиа 
тармоқларида тарғиб қилиши, Самарқанд ва Бухоро вилоятлари билан 
таққослаганда нисбатан орқада қолган. Шу нуқтаи назардан олиб қараганда, 
Оролбўйи 
минтақаси 
туризми 
имиджини 
кўтариш, 
маҳаллий 
турмаҳсулотларни миллий ва халқаро бозорда кенг тарғиб қилиш ва 
реализация қилишда ижтимоий медиа технологияларидан самарали 
фойдаланиш долзарб масалалардан бири ҳисобланади.