Oro davlat universiteti yoqub saidov

Fattoh Abdullaev – 1914-yilning martida Namangan shahrida tug`ilgan. U 1946-yilda «O’zbek tilida arabizmlar» mavzuida nomzodlik dissyertatsiyasini, 1962-yilda esa «Xorazm shevalari» degan mavzuida doktorlik dissyertatsiyasini yoqladi. Uning o’zbek tili tarixi, dialektologiyasiga bag`ishlangan «Eski o’zbek tili» (1959), «Xorazm shevalari» (1961) kabi monografiyalari bosilib chiqqan.

Shonazar Shoabdurahmonov 1923-yilda Toshkent shahrida tug`ilgan. U ko’p yillar davomida «O’zbek adabiy tili va o’zbek xalq shevalari» mavzuida ilmiy ish olib bordi va uni 1963-yilda doktorlik dissyertatsiyasi sifatida yoqladi.

Sh.Shoabdurahmonov. o’zbek tilshunosligining turli sohalari bo’yicha 60 dan ortiq ilmiy tadqiqot ishlari, maqolalar yozdi. U «O’zbek dialektologiyasi» (1959, V.V.Reshetov bilan hamkorlikda), «O’zbek dialektologiyasi» (1961, V.V.Reshetov bilan hamkorlikda), «O’zbek dialektologiyasi» (1978, V.V.Reshetov bilan hamkorlikda) darsligini nashr ettirdi.

Bolta Jo’raev 1928-yilda Qashqadaryo viloyatining Kitob tumanida tug`ilgan. 1959-yilda «O’zbek tilining Shaxrisabz shevasi» bo’yicha nomzodlik dissyertatsiyasini yoqlagan. O’ndan ortiq shevashunoslikka oid ilmiy ishlari mavjud: «Shahrisabz shevasi» (1964) monografiyasi, «O’zbek adabiy tili va o’zbek dialektlari» (1963) broshyuralari shular jumlasidandir.