Органик маҳсулотлар тўғрисида 1-боб. Умумий қоидалар 1-модда. Ушбу Қонуннинг мақсади

19-модда. Органик маҳсулотларни ишлаб чиқариш соҳасида
эквивалентликни баҳолаш

Органик маҳсулотларни ишлаб чиқариш соҳасида эквивалентликни баҳолаш ваколатли давлат органи томонидан амалга оширилади.

Органик маҳсулотларни ишлаб чиқариш соҳасида эквивалентликни баҳолашда миллий қонунчилик талаблари чет давлатлар қонунчилиги
ва халқаро стандартлар билан тенг қийматлилиги ўрганилади.


20-модда. Органик маҳсулотларни ишлаб чиқарувчилар реестри

Органик маҳсулотларни ишлаб чиқарувчилар реестри ваколатли давлат органи томонидан тасдиқланган тартибда электрон шаклда шакллантиради ва юритилади.

Органик маҳсулотларни ишлаб чиқарувчилар реестри ваколатли давлат органининг расмий веб-сайтига жойлаштирилади.


21-модда. Органик маҳсулотларни тамғалаш

Органик маҳсулотларни тамғалаш қонунчиликда белгиланган тартибда амалга оширилади.

Органик маҳсулотларнинг миллий мувофиқлик белгисидан фойдаланиш ҳуқуқига фақат органик маҳсулотларни ишлаб чиқарувчилар эга бўлади.
Органик маҳсулотларни ишлаб чиқарувлари томонидан органик маҳсулотларни тамғалашда:
«organic», «biologic», «ecologic», «natural» ва шунга ўхшаш маънони англатувчи ёки ушбу сўзлардан олинган «bio», «eko» қисқартмалардан фойдаланилиши мумкин;
тамға остидан мувофиқлик сертификатини тақдим этган мувофиқликни баҳолаш органига берилган аккредитация тўғрисидаги гувоҳномасининг мувофиқликни баҳолаш органларининг давлат реестрида назарда тутилган рўйхат рақами кўрсатилади.


22-модда. Органик маҳсулотларни ишлаб чиқариш тўғрисидаги маълумотлар ошкоралиги ва очиқлигини таъминлаш

Ваколатли давлат органи инсон ҳаёти ва саломатлигига хавф туғдириши ёки моддий зарар етказиши мумкин бўлган қалбакилаштирилган органик маҳсулотлар муомалага чиқарилишининг олдини олиш, оқибатларини камайтириш ёки уларни йўқ қилишга қаратилган чоралар тўғрисида аҳолини хабардор қилиши керак.

Органик маҳсулотларни реализация қилиш билан шуғулланувчи шахсларга мувофиқлик сертификатига эга бўлмаган маҳсулотни органик маҳсулот сифатида реализация қилиш тақиқланади.
Мувофиқликни баҳолаш органи ваколатли давлат органига органик маҳсулотларни ишлаб чиқарувчиларнинг органик маҳсулотларини ишлаб чиқариш, шу жумладан сертификатлаштиришга доир маълумотларни қонунчиликда белгиланган тартибда тақдим этади.