Органик маҳсулотлар тўғрисида 1-боб. Умумий қоидалар 1-модда. Ушбу Қонуннинг мақсади

12-модда. Органик маҳсулотларни ишлаб чиқарувчиларининг
ҳуқуқлари ҳамда уларнинг кафолатлари


Органик маҳсулотларни ишлаб чиқарувчилари қуйидаги ҳуқуқларга эга:
органик маҳсулотларни ишлаб чиқариш ва муомалага киритишда фирма номи ёки товар белгиси ва хизмат кўрсатиш белгисидан фойдаланиш;
органик маҳсулотларни ишлаб чиқариш, муомалага киритиш
ва экспорт қилиш учун зарур хизматларни (ишларни), шу жумладан сертификатлаштириш ва маслаҳат хизматларини, стандартларни ихтиёрий танлаш;
органик маҳсулотларни ишлаб чиқарувчилар ўзлари олиб бораётган фаолият доирасида органик маҳсулотларни ишлаб чиқаришда органик маҳсулотларни ишлаб чиқариш тўғрисидаги қонунчилик ва техник жиҳатдан тартибга солиш бўйича норматив ҳужжатларда белгиланган талаблар риоя қилиш учун жавобгардирлар.
Органик маҳсулотларни ишлаб чиқарувчиларига қуйидагилар кафолатланади:
органик қишлоқ хўжалигига ўтказилган ер участкаларида экинларни жойлаштиришни органик стандарт талабларини ҳисобга олган ҳолда илмий асосланган алмашлаб экиш схемаларига мувофиқ амалга ошириш;
органик қишлоқ хўжалигига ўтказилган ер участкаларида экинларни жойлаштиришда давлат аралашувига йўл қўйилмаслик;
органик маҳсулотларни ишлаб чиқариш соҳасида монополияга йўл қўйилмаслик.


13- модда. Мувофиқликни баҳолаш органи ваколатлари

Мувофиқликни баҳолаш органи қуйидаги ваколатларга эга:

органик маҳсулотларни ишлаб чиқарувчидан органик маҳсулотларни ишлаб чиқаришни сертификатлаш учун зарур бўлган ҳужжатларни талаб қилиш;
чет давлатлар стандартларига мувофиқ сертификатлаштиришда органик маҳсулотларни ишлаб чиқариш тўғрисидаги қонунчилик ва техник жиҳатдан тартибга солиш соҳасидаги норматив ҳужжатлар талабларини бажариш;
органик маҳсулотларни сертификатлаш тўғрисидаги қарорни қабул қилиш ёки органик маҳсулотларни ишлаб чиқарувчи томонидан органик маҳсулотларни ишлаб чиқариш тўғрисидаги қонунчилик ва техник жиҳатдан тартибга солиш соҳасидаги норматив ҳужжатларда белгиланган талабларга риоя қилинмаган ҳолатда сертификатлашдан бош тортиш;
органик маҳсулот ишлаб чиқарувчининг экин майдонларидан тупроқ, сув, уруғлар, кўчат ва экиш материалларидан ҳамда қайта ишлаб чиқарилган озиқ-овқат ва озуқа маҳсулотларидан намуналар олиш;
мувофиқлик сертификатларини қонунучиликда белгиланган тартибга мувофиқ бериш, тўхтатиб туриш ва бекор қилиш.

3-боб. Органик маҳсулотларни ишлаб чиқаришга қўйиладиган умумий талаблар