Органик маҳсулотлар тўғрисида 1-боб. Умумий қоидалар 1-модда. Ушбу Қонуннинг мақсади

7-модда. Ўзбекистон Республикаси Санитария-эпидемиологик
осойишталик ва жамоат саломатлиги хизматининг
органик маҳсулотларни ишлаб чиқариш соҳасидаги
ваколатлари

Ўзбекистон Республикаси Санитария-эпидемиологик осойишталик

ва жамоат саломатлиги хизмати ўз ваколатлари доирасида:
органик маҳсулотлар хавфсизлиги соҳасидаги санитария-гигиена қоидалари ва нормативларини халқаро стандартлар ва тавсияларга уйғунлаштиради ва жорий этади;
органик маҳсулотларни ишлаб чиқариш соҳасини техник жиҳатдан тартибга солиш соҳасидаги норматив ҳужжатларни хавфсизлик параметрларига мувофиқ экспертизадан ўтказади.
Ўзбекистон Республикаси Санитария-эпидемиологик осойишталик
ва жамоат саломатлиги хизмати қонунчиликка мувофиқ бошқа ваколатларни ҳам амалга ошириши мумкин.


8-модда. Ўзбекистон Республикаси Ветеринария
ва чорвачиликни ривожлантириш давлат
қўмитасининг ваколатлари

Ўзбекистон Республикаси Ветеринария ва чорвачиликни ривожлантириш давлат қўмитаси ўз ваколатлари доирасида:

органик чорвачиликни ривожлантиришда ветеринария, ветеринария-санитария қоидалари ва нормаларини халқаро стандартлар ва тавсияларга уйғунлаштиради ва жорий этади;
органик чорвачилик маҳсулотлари ва хомашёларини етиштиришда ветеринария тўғрисидаги қонунчилик ва техник жиҳатдан тартибга солиш соҳасидаги норматив ҳужжатларда белгиланган ветеринария-санитария талабларига риоя этилишини назорат қилади.
Ўзбекистон Республикаси Ветеринария ва чорвачиликни ривожлантириш давлат қўмитаси қонунчиликка мувофиқ бошқа ваколатларни ҳам амалга ошириши мумкин.


9-модда. Ўзбекистон стандартлаштириш, метрология
ва сертификатлаштириш агентлигининг органик
маҳсулотларни ишлаб чиқариш соҳасидаги ваколатлари

Ўзбекистон стандартлаштириш, метрология ва сертификатлаштириш агентлиги (кейинги ўринларда «Ўзстандарт» агентлиги деб юритилади)

ўз ваколатлари доирасида:
органик масулотларни ишлаб чиқариш соҳасидаги сертификатлаштириш ва аккредитациялашнинг миллий тизимларини яратади;
мувофиқликни баҳолаш органларини аккредитациядан ўтказади;
органик маҳсулотларни ишлаб чиқариш соҳасида техник жиҳатдан тартибга солиш бўйича норматив ҳужжатларни ишлаб чиқиш ва тизимли жорий қилишда, шунингдек халқаро ва хорижий давлатлар стандартларининг республикада қабул қилинишида иштирок этади;
мувофиқликни баҳолаш органлари мутахассислари томонидан инспекция назоратини ўтказиш ёки сертификатлаш жараёни доирасида уларнинг малакасини оширишни ташкил қилади.
«Ўзстандарт» агентлиги қонунчиликка мувофиқ бошқа ваколатларни ҳам амалга ошириши мумкин.