Organik kimyodan maruzalar matni

Katalitik krekinglash katalizatorlar (odatda alyumosilikatlar) ishtirokida 450 ⁰C va atmosfera bosimida o'tkaziladi. Bu usul bilan aviatsiya benzini olinadi va uning unumi 80 % ga yetadi. Neftning asosan kerosin va gazoyl fraksiyalari ana shu usulda krekinglanadi. Katalitik krekinglashda ajralish reaksiyalari bilan bir qatorda izomerlanish reaksiyalari ham sodir bo'ladi. Bu reaksiyalar natijasida molekulalarning uglerod skeleti tarmoqlangan to'yingan uglevodorodlar hosil bo'ladi, bu esa benzinning sifatini yaxshilaydi.