Oraliq nazorat kazuslari

Vaziyatga huquqiy baho bering.
Ishning ma’muriy sudga taalluqlilik va tegishlilik jihatlarini yoritib bering.
Vaziyat bo‘yicha chiqariladigan sud hujjatining asoslantiruvchi qismini tayyorlang.


5-KAZUS
Arizachi “BARASHKA” mas’uliyati cheklangan jamiyati rahbari D.Daydiyeva sudga ariza bilan murojaat qilib, arizasida Buxoro viloyat Davlat soliq boshqarmasi boshlig‘ining birinchi o‘rinbosari S.Fayziyevning 2022-yil 6-yanvar kunidagi “Soliq to‘lovchini soliqqa oid huquqbuzarlik sodir etganlik uchun javobgarlikka tortish bo‘yicha” qarorini haqiqiy emas deb topishni so‘ragan. Arizachi “BARASHKA” mas’uliyati cheklangan jamiyati rahbari D.Daydiyeva sud majlisining joyi, kuni va vaqti to‘g‘risida tegishli tartibda xabardor qilingan bo‘lsada, sud majlisiga kelmadi va ishni o‘zining ishtirokisiz ko‘rilishi to‘g‘risida arz qilmadi. Shuningdek, sud majlisi vaqti va joyi to‘g‘risida xabardor qilingan javobgar Buxoro viloyat DSB vakili sud majlisida ishtirok etmadi va ishni o‘zining ishtirokisiz ko‘rish to‘g‘risida xabardor qilmadi. Sud, ma’muriy ish hujjatlarini o‘rganib chiqib, hal qiluv qarorini qabul qildi hamda taraflarga hal qiluv qarorining nusxalarini jo‘natdi.
Vaziyatga huquqiy baho bering.
Ishning ma’muriy sudga taalluqlilik va tegishlilik jihatlarini yoritib bering.
Vaziyat bo‘yicha chiqariladigan sud hujjatining asoslantiruvchi qismini tayyorlang.


6-KAZUS
Nuroto Tuman hokimining 2022-yil 8-avgustdagi 999-sonli qaroriga asosan Navro‘z MFYda joylashgan umumiy foydalanish maydoni 75,50 kvadrat metr, yashash maydoni 45,25 kvadrat metr, umumiy yer maydoni 210,20 kvadrat metr bo‘lgan uy-joy M.Malayevga tegishli deb e’tirof etilgan.
M.Malayev 2022-yil 22-oktyabrda notarial tartibda tuzilgan uy-joyni hadya qilish haqidagi shartnomaga asosan o‘ziga tegishli bo‘lgan ushbu uyni turmush o‘rtog‘i L.Laliyevaga hadya qilgan va uning nomiga kadastr hujjatlari rasmiylashtirilgan.
Shu sababli, M.Malayevning akasi K.Malayev Navoiy tumanlararo ma’muriy sudga murojaat qilib, tuman hokimining 2022-yil 8-avgustdagi 999-sonli qarorini haqiqiy emas deb topishni so‘ragan.
Birinchi instantsiya sudining hal qiluv qarori bilan arz qilingan talabni qanoatlantirish rad qilingan.
Apellyatsiya instantsiyasi sudining qarori bilan birinchi instantsiya sudining hal qiluv qarori bekor qilinib, qayta ko‘rish uchun qaytarilgan.