19
3) эллипсис тўлиқсиз гаплар лозунглар, чақириқ, шиорлар ва ҳар хил
соҳаларга боғлиқ ёзилган мақола сарлавҳаларида кўплаб учрайди:
«Туран»
Туранда биринши
(Б.Бекмуратов, «ҚЖ», 02.10.2014).
Эллипсис тўлиқсиз гапларда эга баъзида гап бошида келса, баъзида
гапнинг охирида келади. Эллипсис гапларда эгалар вақт, обьект, ўрин
маънодаги сўзлар билан боғлиқ қўлланилади. Газета сарлавҳалари
сифатида
қўлланилган эллипсис гапларнинг таркиби ва хусусияти, айниқса, эганинг
иккинчи даражали бўлаклари билан кенгайиб, маъно жиҳатдан боғлиқлиги
қуйидагича амалга оширилади:
1) эга билан (гоҳида ўз аниқловчиси бор эга билан) тўлдирувчининг ўзаро
боғлиқлигидан тузилган эллипсис тўлиқсиз гаплар:
Халық саламатлығы
жолында
(Б.Бекмуратов, «ҚЖ», 23.10.2014),
2) эга билан ҳолнинг ўзаро маъно жиҳатдан боғлиқлигидан
тузилган
эллипсис
тўлиқсиз
гаплар:
Миллийлигимизди
жǝҳǝнге
танытсам
(З.Абдиниязова, «ЕҚ», 04.09.2014);
3) эга ва жой маънога эга ҳолнинг ўзаро маъно жиҳатдан боғлиқлигидан
тузилган эллипсис тўлиқсиз гаплар:
Ферғана алабынан Қарақалпақстанға
(Р.Арзиев, «ЕҚ», 24.12.2016),
4) эга ва вақт маъноли ҳолнинг ўзаро маъновий боғлиқлигидан тузилган
эллипсис тўлиқсиз гаплар:
17 жылдан соң
(А.Турекеева, «ҚЖ», 17.11.2016),
5) иккинчи даражали аъзонинг таркибидан тузилган эллипсис гаплар:
Түн
жамылып, жап жағалап
(Қ.Реймов, «ЕҚ», 12.07.2014) ва ҳ.к.
Тадқиқот жараёнида кўчирма гап шаклидаги сарлавҳалар ҳам мавжудлиги
аниқланди. Бундай сарлавҳаларда муаллиф ўз гапининг ичида бошқаларнинг
сўзи ва гапларини келтириши, кўчирма гаплар ҳеч ўзгаришсиз муаллифнинг
гапи билан бирга қўлланилганлиги кўриш мумкин.
«Нийетим олимпиада
жеңимпазы болыў!» - дейди «Бǝркамал аўлад - 2014» спорт ойынларында
алтын медальды қолға киргизген республика ўǝкили дзю-дошы Эргаш Айтбаев
(Р.Арзиев, «ЕҚ», 07.06.2014) каби сарлавҳалар бунга мисол бўла олади.
Шунингдек, эгаси маълум бўлган гаплар:
Ойлап, ойымыз жетпеген
жаңалықлар күтемиз
(Ж.Ембергенов, «ҚЖ», 01.01.2014); эгаси маълум
бўлмаган гаплар:
Ɵнерментшиликке бағышланды
(Ж.Ембергенов, «ҚЖ»,
16.01.2014), эгаси умумлашган гаплар:
Қыс ғамыңды жазда көр
(Б.Бекмуратов,
«ҚЖ», 07.08.2014), эгасиз:
Бахытлы турмысымызға көз тиймесин
(З.Абдиниязова, «ҚЖ», 20.04.2017) ҳамда этикетли сўз ва гаплардан:
Хош бол,
мектебим, сǝлем-колледж!
(П.Хожамуратова, «ЕҚ», 26.05.2015) ташкил топган
сарлавҳалар ҳам қорақалпоқ тилидаги газета сарлавҳаларининг
синтактик
структурасини ташкил этганлиги аниқланиб, уларнинг ҳар бирининг ўзига хос
хусусиятлари илмий асослаб берилди.
Газета сарлавҳаларини шакллантиришда қўлланиладиган синтактик
бирликлардан яна бири қаратиш (вокатив) сўзлар бўлиб, улар лексик-семантик
жиҳатдан одам ёки турли шахсларга тааллуқли сўзлар, жонли ва жонсиз
предметлар ҳамда табиат ҳодисаларининг номлари билан боғлиқ бўлиши
аниқланди.