O‘quvchilarni kasb-hunarga yo‘naltirish va psixologik-pedagogik

1-mashq: Stressni ta’riflash
•Ishtirokchilardan stressni ta’riflashni so‘rang.
•Doskada aniq kalit so‘zlar va qisqa iboralarni yozing.
•Siz o‘quvchilar fikrlarini hulosa qilishingiz mumkin,
“Stress - bu tashvish yoki hissiy tanglikni keltirib chiqaradigan mushg‘ulotdir”
Ta’rifni ishtirokchilarning savodxonlik darajasiga erkin ravishda moslashtiring. O‘quvchilarga "Stress - bu bizni qo‘rqitadigan, ikkilantiradigan, asabiylashtiradigan yoki hayajonlantiradigan hamda tanamiz va ongimizga talab qo‘yadigan holatlar yoki hodisalarga bizning tanamizning jismoniy va hissiy munosabatini anglatadi" kabi chuqurroq ta’rifni tushunishlari mumkin.”
Sizda qanday stress holatlari kuzatiladi? Bu yerda to‘g‘ri yoki noto‘g‘ri javoblar yo‘q. Bu barchaga turlicha ta’sirga ega.
•Doskaga kalit so‘zlarini yozing va o‘quvchilarning javoblarini tinglang
•Guruh ichida umumiy yoki tez-tez uchraydigan holatlarga e’tibor bering
Stress o‘zgarish ijobiy yoki salbiy bo‘lishidan qat’i nazar, hayotda yuz beradigan har qanday o‘zgarish natijasi bo‘lishi mumkin.

2-mashq: Stress qo‘zg‘atuvchilari.
Boshlovchi: Stress qo‘zg‘atuvchisi (stress manbai) nima ekanligini bilasizmi?
•O‘quvchilardan stress ta’rifni so‘rang
Stress qo‘zg‘atuvchisi - bu stressga olib keladigan voqea, narsa, shaxs yoki g‘oyadir. Bu bizning stressimiz manbai. Ba’zan, bizni stressga chorlovchi manba nima ekanligini bilmaymiz ham.
•Vaqt bo‘lsa, o‘quvchilar barcha guruh ishtirokchilari bilan o‘z fikrlarini o‘rtoqlashishlari mumkin
Stress davri haqida o‘ylashga harakat qiling - tanangizda nimani his qildingiz (Izoh: siz ulardan nima deb o‘ylaganlarini so‘ramaysiz - ularning e’tiborini stressga bo‘lgan jismoniy reaksiyalariga qaratishga intilmoqdasiz). Garchi stress hayotning ajralmas bir qismi bo‘lsa-da, stress natijasida kelib chiqadigan muammolarga qarshi turish o‘z qo‘limizdadir. Bugungi kunni stressni kamaytirishning turli usullari haqida suhbatlashishga bag‘ishlaymiz. Eng samarali usullardan biri “onglilik” deb ataladi.” “Onglilik” bu ayni hozirgi daqiqaga e’tibor berishni anglatadi. Stress holatiga tushgan lahzani eslang. Biron bir kishi ko‘ngilli sifatida siz stressga duch kelgan vaziyatga misol keltirishni istaydimi? Nima haqida o‘ylagan edingiz?