O`quvchilar bilim sifatini oshirish va sinfda intizomni mustahkamlash

Yana shuni ham aytish kerakki, intizom deganda bolalarning partada qimirlamay o`tirishini emas, balki ongli intizomni tushunish kerak. Ko`pgina o`qituvchilar o`zicha intizom o`rnatmoqchi bo`ladilar. Sinfga qosh-qovog`idan qor yog`dirib kiradilar, dag`-dag`a qilib bolalarni siquvga oladilar, gah desa qo`lga qo`nadigan qilmoqchi bo`ladilar. Bu bilan mutlaqo kelishib bo`lmaydi. Zo`ravonlik asosiga qurilgan tartib yaxshilikka olib bormaydi. Bu murg`aqk qalblarga adovat urug`ini sochadi, ularni sovuqqon, qo`rqoq, jur`atsiz, yolg`onchi, ozurda qilib qo`yadi.