O’quv yili uchun o’zbekistonning eng yangi tarixi fanidan m a ‘ ruzamatn I barcha yo’nalishlar uchun namangan 2020

4.2. Aholini ijtimoiy himoya qilish va sog`liqni saqlash tizimini takomillashtirish, xotin-qizlar ning ijtimoiy-siyosiy faolligini oshirish:

Aholi, avvalo yoshlar bandligini va mehnat resurslaridan oqilona foydalanishni ta'minlash borasida mehnat organlarining mas'uliyati oshirildi. Natijada, O‘zbekiston Respublikasi Bandlik va mehnat munosabatlari vaziriga yangi ish o‘rinlari tashkil etgan hamda aholining ijtimoiy ehtiyojmand toifasiga kiruvchi shaxslarni, avvalo kasb-hunar kollejlarining bitiruvchilari, imkoniyati cheklangan shaxslar, sobiq harbiy xizmatchilarni ishga joylashtirgan ish beruvchilarga nisbatan belgilangan tartibda ijtimoiy rag`batlantirish choralarini qo‘llash huquqi berildi. Qishloq tumanlarida (bundan aholi soni 5 ming kishidan ko‘p bo‘lgan aholi punktlari mustasno) sartaroshxona xizmatlarini, yakka tartibdagi buyurtmalar bo‘yicha kiyim tikish xizmatlarini, poyabzal ta'mirlash xizmatlarini ko‘rsatish bo‘yicha faoliyatni tashkil etgan, shuningdek, jamoat hammomlarini tashkil etgan yakka tartibdagi tadbirkorlar 2023 yil 1 iyulgacha barcha turdagi soliqlar to‘lashdan ozod etildi. Bundan tashhari, yakka tartibdagi tadbirkorlar ham har bir yollangan xodimga to‘lanadigan qat'iy belgilangan soliqni to‘lashdan ozod etildi.

Aholiga tibbiy xizmat ko‘rsatish sohasini tubdan isloh qilish va takomillashtirish chora-tadbirlarini amalga oshirish doirasida tibbiyot sohasini barharor rivojlantirishga alohida e'tibor qaratilmoqda. Ushbu sohaga mamlakatimiz sog`liqni saqlash tizimining davlat sog`liqni saqlash muassasalari tomonidan ko‘rsatilayotgan keng turdagi tibbiyot xizmatlarini sifat jihatidan yuksaltirish va yanada to‘ldirishga xizmat qiladigan muhim tarkibiy qism sifatida qaralmoqda. Buning natijasida tibbiyot sohasini rivojlantirish, aholiga malakali tibbiy xizmat ko‘rsatishga haratilgan bir qator normativ-huquqiy hujjatlar ham qabul qilindi. Mazkur normativ-huquqiy hujjatlarning qabul qilinishi bilan soha faoliyatida bir qator o‘zgarishlar amalga oshirildi.

Birinchidan, O‘zbekiston Respublikasi sog`liqni saqlash tizimini isloh qilishning eng muhim yo‘nalish­lari belgilab berildi. Shuningdek, 

2019–2025 yillarda O‘zbekiston Respublikasi sog`liqni saqlash tizimini rivojlantirish kontseptsiyasi hamda 2019–2021 yillarda O‘zbekiston Respublikasi sog`liqni saqlash tizimini rivojlantirish kontseptsiyasini amalga oshirish chora-tadbirlari das­turi tasdiqlandi. Natijada 2021 yil 1 yanvardan boshlab O‘zbekiston Respublikasida majburiy tibbiy sug`urtalashni bosqichma-bosqich joriy etiladi.