O`quv ustaxonasi” Fani

Ipni parafinlash moslamasining tuzilishi

Malumki, trikotaj buyumlarini to‘qishda qo‘llaniladigan iplarni sifatiga yuqori talablar qo‘yiladi.

Bunday iplar silliq, ravon, muvozanatli va chigal tushmaydigan bo‘lishi kerak. Ipni muvozanatli, silliq va chigal tushmaydigan bo‘lishi uchun ipni parafinlash kerak.

Ipni parafinlash uchun Avtokoner avtomati maxsus parafinlovchi moslama bilan jihozlanadi . U quyidagicha ishlaydi.

Reduktorli elektrodvigatelning (M66), aylanuvchi vali to‘rtqirrali 1 bo‘lib, unga parafinli rolik 2 o‘rnatiladi, rolik yo‘nalishiga teskari tomonga aylanib ipni parafinlaydi. Bosuvchi vilka 3 prujina 4 yordamida parafinli rolikning shaybasi 5 ni bosib harakatlantiradi. Iplar ulanishi bilanoq dvigatel to‘xtaydi. Aylanma harakat yo‘nalishini o‘zgarishi hisobiga spiralni ko‘tarilishi qiya tekislik qoidasiga muvofiq, ikkita turtkichli 7 prujina tagidagi detal 6 ni bosadi. Turtkichlar parafinli rolik 2 ni bosib uni ipdan uzoqlashtiradi.

130-rasm. Ipni parafinlash

O‘rovchi kallagni ishga tushishi bilan, ipni harakat yo‘nalishi o‘zgaradi. Bunda turtkichlar avvalgi holatiga qaytadi va parafinlovchi rolik ipni parafinlaydi.