O`quv ustaxonasi” Fani

Bobinani ko‘tarish mexanizmi

O‘ralayotgan bobina quyidagi xollarda o‘rov barabanidan ajratish uchun yuqoriga ko‘tariladi: o‘ralayotgan ip uzilganida; to‘lgan bobinani almashtirilishida; naychadagi ip tugaganida. O‘ralayotgan bobina o‘rash barabanidan ko‘tarib ajratilmasa baraban va bobina sirtlarini o‘zaro ishqalanishi natijasida bobina sirtidagi ip titilib sifati buziladi, ip chigallanadi va keyingi jarayonda ip uzilishi ko‘payadi.

Elektron tozalagichdan o‘tayotgan ip uzilganida tirqichda ip yo‘qoladi, masalan ipni yo‘g‘on yoki ingichka joyi uzib tashlanganida datchik (xabarlovchi element) bobinani ko‘taruvchi mexanizmga (125-rasm) xabar qiladi va mexanizmni ishga tushiradi.

Elektromagnitli U 80 klapani mexanizm ishini boshqaradi, klapan dempfirlovchi val 1 ga havo klapani orqali siqilgan havo yo‘lini ochadi, natijada silindr porshini shtok 2 ni tepaga ko‘taradi. Dempfirlanuvchi richag 3 bobina tutgich o‘qi bilan bog‘liqligidan shtok 2 bobina tutgich richagi 4 ni ko‘taradi va bobina o‘rash barabanida ajratiladi.

125-rasm. Bobinani ko‘tarish mexanizmi

Bobina tutgichni o‘ng qo‘zg‘aluvchan tomonidagi Xoll datchigi bobinani aylanishdan to‘xtaganini sezgach havo klapani ochilib havo chiqarib yuborilgach bobina tutgich bobinani baraban ustiga tushiradi va bobina aylana boshlaydi, ipni o‘ralishi davom etadi.