O`quv ustaxonasi” Fani

Ip yo‘naltirgichni tuzilishi

Bobinani to‘g‘ri shakllanishida ip yo‘naltirgich katta axamiyatga ega. Uni to‘g‘ri harakatlanishi bobinada ip qavatlarini to‘g‘ri joylashuvini ta’minlaydi. Ayniqsa ip qavatlari bobinaning o‘rtasida va ilgak chiqmasidan bir xil qalinlikda joylashganida bobina tig‘iz (zich) o‘raladi, massasi yuqori bo‘lib, ip chigallanmaydi. Ip yo‘naltirgich quyidagicha harakatga keltiriladi

127-rasm. Ip yo‘naltirgichni tuzilishi

Elektro dvigatel M14.4 tishli g‘ildirak 1 orqali ekssentrik 2 ni harakatga keltiradi. Ekssentrik 2 richag 3 ga ta’sir etadi, richagdagi rolik 4 qalpoqcha 5 ni bosadi. Buning hisobiga o‘rash barabani bobinaga nisbatan siljiydi. Ekssentrikning eng yuqori no‘qtasi o‘tib bo‘lgach prujina barabani avvalgi holatiga qaytaradi.Ip yo‘naltirgichn to‘xtatish ham mumkin. harakatlantiruvchi matorni teskari aylantirilganida nazorat etuvchi richag 6, ekssentrik 2 ni tutqichini tutadi va o‘rash barabani ilgarilanma-qaytma harakatdan to‘xtaydi.

Ip uzilganida yoki qalinligini nazorat etuvchi moslama ipni kesib olganida bobinadagi ipni uchini topish juda qiyin va bunga ko‘p vaqt sarflanadi. Ipni qayta o‘rovchi avtomatda bu muammo qulay va sodda usulda xal etilgan. Ip uzilganda yoki ip tozalagich ipni kesganida ip uchini yo‘qotmasligi uchun ip uchini tutib qoluvchi richag 1 ip uchini tutib qoladi, (bu jarayon bobinadagi ip uzilib, bobina aylanishdan to‘xtashi bir onda sodir bo‘ladi). Prujina ta’sirida ip uchini tutgan richag 1 yuqoriga tirgak 2 bilan to‘qnashgunga qadar ko‘tariladi. Bu vaqtda o‘rovchi baraban sekin orqaga aylanadi va bobinadagi ip uchini richakka uzatadi. Kulachokli mexanizm boshqaruvida ip uchini bobina sirtidan to‘liq ajratish uchun ip uchini tutgan richag bir yoki bir necha bor oldinga va orqaga harakatlanadi, bunda uzilgan ip uchi kalava sirtiga ilashmaydi. YUqoridagi ipni nazorat etuvchi optik datchik (V4) so‘rilgan ipni payqashi bilan (sezishi bilan) ipni tutish jarayoni tugaydi. Ipni tutuvchi richag 1 pastga harakatlanib, ipni yuqori uchini ulash mexanizmiga (splayser) uzatadi.

128-rasm. Ip uzilganida yoki qalinligini nazorat etuvchi moslama

Ipni so‘ruvchi havo trubasi pastki ip uchini so‘rib, taranglovchi va ip ulovchi moslamaga (splayser) uzatadi. Tutuvchi richag 1 ipni yuqori uchini ulovchi mexanizm (splayser) 2 ga kiritganidan so‘ng, ipni so‘ruvchi truba 3 buriladi, zaslonka 4 ochilib, pastki ip trubaga so‘riladi. So‘rib oluvchi truba tebranma harakat qiladi va pastki ipni ulash mexanizmi (splayser) ga uzatadi

129-rasm. Ipni uchini so‘ruvchi havo trubasi .