O’quv-uslubiy majmuaning tarkibi

Nafas a’zolarini himoya qilishning oddiy usullari.

Nafas a’zolarini radioaktiv changlardan, zaharli moddalardan va biologik moddalar aerozollaridan himoya qilish uchun respiratorlardan, matodan tikilgan chang o’tkazmaydigan maskalardan, paxta-doka bog’ichlaridan va boshkalardan foydalanish mumkin. Respiratorlardan R-2, ShB-1 respiratorlari qo’llaniladi. Respiratorlardan R-2 nafas olish, nafas chiqarish klapanlari, burun qisqichi va tasmalarga ega bulgan yarim maskadan iborat. Paxta-doka bog’ichini aholining o’zi tayyorlaydi. Buning uchun 100 x 60 sm lik doka olinib, urtasiga eni va buyi 20 x 30 sm, qalinligi 1-2sm bo’lgan paxta solinadi, so’ng u doka bilan o’raladi. Dokaning

uchlarini 25-30 sm dan kesib bog’ich qilib qo’yiladi. Bog’ich engak, og’iz va burun berkiladigan qilib tutiladi.

Changga qarshi matoli maska – 1 oynali korpusdan va bog’ichdan iborat. Maskaning korpusi matodan 4 – 5 qavat qilib tikiladi (ustki va ichki qatlami xomsurup yoki polotnodan, ichki uch qatlami esa paxtadan ishlangan movut, paxmoq yoki boshqa turli matodan bo’ladi), kuradigan teshiklarga razmeri 5,5 x 4,5 smli oyna qo’yiladi. Bog’ich 35 x 70 smqilib polotnodan tikiladi. Changga karshi matoli maskani tayyorlash instruktsiyasida 7ta razmer ko’zda tutiladi. Maskaning cheti peshanaga, chakkaga, yonoqqa va engakka zich yopishib turishi kerak.

Nafas a’zolarini saqlash uchun biron bir vosita topilmaganda dastro’mol, sharf, sochiq va shunga o’xshashlar bilan og’iz va burunni berkitish kerak.