O’quv-uslubiy majmuaning tarkibi

MA’RUZA MATNI

1-MODUL

HAYoT FAOLIYaTI XAVFSIZLIGINING NAZARIY ASOSLARI
MAVZU: HAYoT FAOLIYaTI XAVFSIZLIGINI TA’MINLASh ASOSLARI
Reja:

1. 
   Hayot faoliyati xavfsizligi haqida tushuncha.
   
2. 
   Hayot faoliyati xavfsizligi fanining maqsad va vazifalari.
   
3. 
   Xavfsizlikni ta’minlash yo’llari va usullari
   
4. 
   Inson hayotiga tahdid soluvchi xavflarning turlari.
   

Tayanch so’zlar: hayot faoliyati xavfsizligi, xavf-xatar, xavf, sabab, oqibat,

salomatlikka tahdid, nomutanosiblik, diskomfort, baxtsiz hodisa, gomosfera, noksosfera.

Hayot faoliyati xavfsizligi fanining diqqat markaziga qo’yilgan maqsad bu insonning jamiyat taraqqiyotidagi rolidir. Hayot faoliyat xavfsizligi – bu har qanday sharoitdagi inson faoliyatidir. Insonning hamma faol harakati uning faoliyatini tashkil etadi..

Hayot faoliyati xavfsizligi fani o’z tarkibiga inson faoliyatining atrof- muhit bilan aloqasi, mehnat faoliyatidagi xavfsizligi va favqulodda vaziyatlardagi xavfsizligi bo’limlarini qamrab olgandir. Hayot faoliyati xavfsizligi printsip va usullar asosida: baxtsiz hodisalar, qurbonlar va ular natijasida kelib chiqadigan zararlarni kamaytirish masalalarini keng miqyosda qo’yadigan va hal qiladigan fandir. Hayot faoliyati xavfsizligi – bu har qanday ko’rinishdagi faoliyatda qo’llanishi mumkin bo’lgan xavfsizlikning nazariy asosidir.

Hayot xavf-xatarga to’la. Uni to’g’ri baholay olmaslik juda yomon oqibatlarga olib kelishi mumkin. Hozirgi vaqtda inson tabiiy, texnik, iqtisodiy va boshqa har xil xavf-hatar dunyosida yashaydi va ishlaydi. Shu xavf-hatarlar natijasida juda ko’p insonlar nogiron bo’lib qoladilar, kasallanadi va hayotdan ko’z yumadilar. Ana shunday xavf-xatarlardan jamiyatni, shaxsni va davlatni himoya qilishni Hayot faoliyati xavfsizligi fani o’rgatadi.