O’quv-uslubiy majmuaning tarkibi

Epidemiologiyasi. Tabiiy sharoitda o’lat mikroblari yovvoyi kemi ruvchi hayvonlarda(yumronqoziq, kalamushlar) uchraydi. Bu hayvonlar o’lat mikroblari saqlanadigan manba hisoblanadi. Ko’pincha bu hayvonlar o’latning o’tkir formasi oqibatida halok bo’lib ketadi, lekin ba’zan ularda o’lat surunkali formada o’tadi va muayyan bir joyda infektsiya uzoq muddat saqlana oladi.

O’lat asosan transmissiv yo’l bilan – burgalar chaqqan paytida yuqadi. Burga o’lat bilan og’rigan kemiruvchi hayvonni chaqqanda, uning qoni bilan burganing hazm yo’liga o’lat mikroblari tushib, shu erda ko’payadi. Ana shu burga odamni chaqqanda odam terisiga birtalay o’lat mikroblari tu shadi. Burga chaqqan joyni qashilganda mikroblar teri ostiga kiradi va shunday qilib kasallik yuqadi. O’lat kontakt yo’li bilan ham yuqadi. Masalan, kemiruvchi hayvonlarning terisini shilayotganda odam terisi yoki shilliq pardasining yorilgan, tirnalgan joyidan o’lat mikrobi kiri shi mumkin. O’latning o’pka formasi havo-tomchi yo’li bilan ham yuqadi. Nihoyat, o’lat bilan og’rigan hayvon(tuya) go’shtini iste’mol qilganda kasallik alimentar yo’l bilan ham yuqadi.

O’latdan sog’aygan odamda umrbod saqlanadigan immunitet paydo bo’ladi.