O`quv-uslubiy majmua

Ona tili va adabiyot faniga oid tayanch va fanga oidkompetensiyalar
Tajriba-sinov natijalari va izlanishlar asosida ona tili va adabiyot fanidan quyidagi tayanch kompetensiyalar ishlab chiqildi va tasdiqlandi:
Axborot bilan ishlash kompetensiyasi
A2
mavjud axborot manbalaridan (kitob, ommaviy axborot vositalari, internet, kitob, lug’at, ma’lumotnomalar, (audio-video yozuv), telefon, kompyuter, elektron pochta va boshq.) foydalana olish va ulardagi materiallarga ongli munosabat bildirish, xulosa chiqarish, ibrat olish va o’z faoliyatida qo’llayolish.
A2+
mavjud axborot manbalaridan (kitob, ommaviy axborot vositalari, internet, kitob, lug’at, ma’lumotnomalar, (audio-video yozuv), telefon, kompyuter, elektron pochta va boshq.) zarur bo’lgan axborotlarni izlab topa olish, saralash, qayta ishlash, uzatish, saqlash, xavfsizligini ta’minlash va foydalanishda media-madaniyatga rioya qilish.
O’zini-o’zi rivojlantirish kompetensiyasi
A2
shaxs sifatida ma’naviy, ruhiy va intellektual kamolotga intilishni hayotiy-ma’naviy ehtiyojga aylanta olish;
badiiy asarlarda tasvirlangan milliy va umuminsoniy qadriyatlarni e’zozlash va ularga amal qilish;
badiiy kitoblarni muntazam o’qish va o’rganish, xulosa chiqarish, ibrat olish;
o’z xatti-harakati, fikr-mulohazalariga tanqidiy yondasha olish, o’zini nazorat qila bilish, og’zaki va yozma matnlar mazmuniga to’g’ri baho bera olish.
A2+
badiiy, publisistik, ilmiy, ilmiy-ommabop, fan va texnika, san’at va boshqalarga doir kitoblarni muntazam o’qish, o’rganish, va xulosa chiqarish, tegishli holatlarda ulardan o’z fikrining isboti va dalili sifatida amliyotda foydalana olish;
Ijtimoiy faol fuqarolik kompetensiyasi
A2
jamiyatda bo’layotgan voqyea, hodisa va jarayonlarga daxldorlikni his etish va unda faol ishtirok etish;
maktabda va maktabdan tashqari adabiy-badiiy yo’nalishdagi tadbirlarda (turli mavzudagi ko’rik -tanlovlar, musobaqalar va h.k.) faol ishtirok etish, atrofdagi insonlar bilan xushmuomalada bo’lish;
badiiy asarlarda xilma-xil shakl va ko’rinishlarda namoyon bo’ladigan qahramon va personajlarning ijtimoiy-ma’naviy, fuqarolik, insoniylik va boshqa burch hamda huquqlarini bajarishlaridagi o’ziga xosliklar (halol, vijdonli, jonkuyar, loqayd..) ga qarab turib xolis va jiddiy mulohaza yuritish.
A2+
badiiy asarlarda aks etgan yuksak ma’naviy fazilatlar, shuningdek, yuksak badiiyat namunalarini anglay olish, his etish va boshqalarga yetkazishga intilish.