O‘quv-uslubiy majmua bilim soxasi: 100000 Gumanitar Ta'lim soxasi: 110000 Pedagogika Bakalavriat yo’nalishi: 5112300 Maktabgacha va boshlang‘ich ta’limda jismoniy tarbiya Tuzuvchi: Katta o’qituvchi D. Karimov jizzax–2021

5x5 futbol
5x5 futbol (futzal) – bu mini-futbolning moslashtirilgan versiyasi bo’lib, uni zaif ko’ruvchi va ko’zi ojiz sportchilar o’ynaydilar. Xalqaro ko’rlar sporti federatsiyasi (IBSA) boshqaruvni amalga oshiradi. Musobaqalarda FIFAning moslashtirilgan qoidalari qo’llaniladi.
Tasniflash.
5x5 futbol o’yinchilari ko’rish qobiliyatining yo’qotilganligi darajasiga qarab uch sinfga bo’linadi:

• 
  B1 – ko’zi ojizlar yoki deyarli ojizlar – odam nurni ko’radi amma qo’l shaklini ajratishga qodir emas;
  
• 
  B2 – odamning ko’rish qobiliyati juda zaif – qo’l shaklini ajratish qobiliyatidan ko’rish o’tkirligi 2/60 yoki ko’rish maydoni ko’pi bilan 5º gacha oraliqda.
  
• 
  B3 – ko’rish o’tkirligi 2/60 dan 6/60 gacha yoki ko’rish maydoni 5º dan 20º gacha oraliqda.
  

Musobaqalarning ikki toifasi mavjud.
B1 sinfi o’yinlari – ularda B1 sinfi sportchilari ishtirok etadi, gidlar va darvozabonlar bundan mustasno, ular yo ko’ra olishlari, yoki B2 va B3 sinflariga mansub bo’lishlari zarur.
B2/B3 sinfi o’yinchilari ularga B2 va B3 sinflari maydon o’yinchilari ishtirok etadilar, bunda istalgan vaqtda maydonga B2 sinfining ikki o’yinchisi bo’lishi zarur. Paralimpiyachilarga musobaqalar faqat B1 toifasida o’tkaziladi.



7x7 futbol
Tasniflash
Musobaqalarda o’zlarinign qobiliyati darajasiga mos C5 va C8 gacha sport sinfiga ega bo’lgan sportchilar ishtirok etadilar:

• 
  C5: yurish va yugurishda qiyinchilik his qiladigan, ammo bemalol turishi va to’pga zarba berishi mumkin bo’lga sportchilar.
  
• 
  C6: yurganda, ayniqsa, yugurganda qo’llarini yetarlicha nazorat qila olmaydigan va koordinatsiyasini yo’qotadigan sportchilar.
  
• 
  C7: gemiplegiyasi bo’lgan sportchilar.
  
• 
  C8: bu sport turi uchun yo’l qo’yish mumkin bo’lgan minimal darajadagi jismoniy nuqsonlari mavjud spotchilar.
  

Har bir jamoada maydonga istalgan vaqtda hech bo’lmaganda bitta C5 yoki C6 sinfi o’yinchisi bo’lishi shart. Agar buning imkoni bo’lmasa, jamoa besh nafar o’yinchisini maydonga tushiradi. Ayni paytda maydonga C8 sinfiga mansub o’yinchilar soni 2 nafardan ortmasligi kerak. O’yin paytida qo’ltiq tayoqlar va boshqa moslamalardan foydalanish mumkin emas.
Stol tennisi
Stol tennisi Paralimpiya dasturiga 1960 yilda Rimda o’tkazilgan eng birinchi Paralimpiadadan boshlab kiritilgan. 2009 yilga kelib bu sport turi 100 dan ortiq mamlakatlarda tarqalgan.