O’quv uslubiy majmua bilim sohasi: 300000 – Ijtimoiy fanlar, jurnalistika va axborot Ta’lim sohasi: 3

Boshqaruv jarayoni – tashkilot resurslarini u tomonidan o’zining maqsadlariga yetishish uchun shakllantirish va ulardan foydalanish bo’yicha uzluksiz o’zaro bog’liq harakatlarning majmuasi.
Boshqaruv ierarxiyasi – murakkab turli-tuman va o’zaro bog’langan jarayonlarni boshqarishning asosiy tamoyillaridan biri. U boshqaruvning darajalari bilan ta’riflanadi, ularning soni qanchalik ko’p bo’lsa, tizim shunchalik yirikdir. Ierarxiya bo’yicha, masalan, korxona, tsex, uchastka va h k. boshqaruvi ajratiladi. Har bir darajaning boshqaruv tizimi yuqoriroq daraja uchun boshqaruv ob’ekti bo’ladilar. Umumiy holda boshqaruv ierarxiyasi har bir darajadagi boshqaruvni avtonom holda belgilanishini ko’zda tutadi. Ko’pincha bu boshqaruv maqsadlarini amalga oshirishning vositalari va usullarini tanlashga tegishli bo’ladi. Ierarxiya boshqaruvning murakkab tizimidagi boshqaruv tizimchalarining birgalikda bo’ysunishidan iborat bo’ladi.
Boshqaruv mehnatining vertikal taqsimlanishi – tashkilotda boshqaruv darajalarini ajratishga asoslangan taqsimlash. Uning asosida xodimlar yoki bo’linmalar faoliyatini muvofiqlashtirish yotadi.
Boshqaruv mehnatining gorizontal taqsimlanishi – mehnatni ishlarning turlari, vazifalar bo’yicha taqsimlanishi. U mutaxassislarni ajratilishi, tashkilotda vazifaviy xizmatlar va bo’linmalarni tashkil qilinishida namoyon bo’ladi.
Boshqaruv mehnatini ilmiy tashkil qilish –bu boshqaruv xodimlar mehnatini shunday tashkil qilishki, u fan yutuklari va ilg’or tajriba, xo’jalik yuritishning ilg’or shakllaridan foydalanish, texnik vositalarini qo’llashga asoslanadi va xizmatchilarni bir birlari va ishchilar bilan o’zaro hamkorlikni yaxshiroq tarzda o’rnatishga imkon beradi, hamda boshqaruv vazifalarini amalga oshirish, va ishlab chiqarish (tijorat)ni muxandislik- texnik va iqtisodiy ta’minlash jarayonida texnik vositalaridan foydalanishga asoslanadi.
Boshqaruv ob’ekti –bu boshqaruv sub’ekti tomonidan boshqaruvchi ta’sirlarni qabul qiluvchi idora. U impulьslar (boshqaruv buyuruqlari)ni oladi ularga muvofiq harakat qiladi Xodim, mehnat jamoasi, tovarlar, resurslar, hujjatlar va h.k. boshqaruv ob’ekti sifatida bo’ladilar.