O’quv-uslubiy majmua 5140300-Kimyo va ekologiya bakalavr ta’lim yo’nalishi talabalari uchun Tuzuvchi – kimyo fanlari nomzodi

5. Ajdodlarimiz qanday kimyoviy jarayonlardan foydalangan?
Eng qadimgi kimyoviy bilimlar qachon va qanday boshlangan. (Javob: Qadimgi dunyodagi kimyoviy bilimlar 100 ming yillar oldingi davr - olovning vujudga kelishidan boshlanadi
Insoniyat-tabiat-olov munosabatlari ta’sirida bir xil predmetlar yo’qolib ularning o’rniga boshqasi paydo bo’ladi. Masalan: loyni qizdirib unga qattiqlik berish, ganchkorlikni vujudga keltirdi. Rudalardan metallarni eritib olib, metallardan qotishmalar olib metallurgiya sanoati vujudga keldi.
Eng birinchi kimyoviy reaksiya olovda moddalarning bir - biriga o’tishi bo’ldi, shuning uchun kimyo tarixchilaridan biri Figurovskiy olov o’ziga yarasha kimyoviy laboratoriyadir deydi.)
6. Sharqiy Turkiyadan 10 ming yillar oldin kimyoviy bilimlar mavjud bo’lganligini qanday isbot qilgan?
Sivilizasiya o’chog’i qaysi davlatlar bo’lgan (Javob: Xitoy, Misr, Xindiston va Messopotomiyalarda rudalardan metallar ajratib olgan, bo’yoq tayyorlagan, loy idishlarni tayyorlagan va kasallarni o’t bilan davolagan Amaliy kimyo Miloddan qariyib 4000 yil ilgari Misr, Messopotamiya, Hindiston, Xitoy mamlakatlarida rivojlana boshlaydi va kimyoviy bilimlar Misrdan qadimgi dunyoning turli qismlariga tarqalgan.)
7. Eng birinchi shisha qaerda topilgan? (Javob:. Qadimiy Misrda topilgan bundan 6 ming yil oldin yasalgan shisha tarkibi xozirgi shishalarga o’xshash ekan).
8. Misrda qachon va qaysi kimyoviy jarayonlar amalga oshirilgan? ( Javob:Eramizgacha 5000 yil oldin Misrda ohaktoshni 1100°S da kuydiradi. Eramizgacha 3 ming yil oldin Misrda katta miqdorda misni uglerod yordamida qaytarib olishgan).
9. Messapotomiyada dastlab qanday kimyoviy jarayonlar amalga oshirilgan? (Javob: Shu davrda Messopotomiyada mis, bronza, temir, kumushni ola boshladi, natijada kishilar turmush madaniyati o’zgardi. Oziq-ovqat, kulinariya va parfyumeriya ishlari boshlandi)
10. Hunarmandchilik kimyosi qachon va qanday rivojlangan? (Javob:Hunarmandchilik kimyosi - bu asosan metallarni suyuqlantirib har xil tayyor yaltiroq, bezak idishlar keramika, bo’yoqlar, dori - darmonlar, yog’lar, terini qayta ishlash, soda va ba’zi kislotalarni ishlab chiqarish bizgacha VI-V asr oldin boshlanib, bunda reseptlar, faktlar to’plami yig’iladi. Bu davr dunyoda madaniyat boshlanishidan tortib to 1V asrga qadar davom etgan va tajribada qo’lga kiritilgan bilimlar avloddan avlodga o’tib kelgan. Xomashyolardan mis, bronza, temir, shisha, bo’yoq va boshqa mahsulotlar ishlab chiqarish asosini tashkil etgan kimyoviy jarayonlar haqidagi ta’limotlar ko’pming yillik tarixga ega. Insonlar juda qadim zamonlardan beri oltin, simob, kumush, oltingugurt kabi elementlarni, osh tuzi, achchiqtosh kabi murakkab moddalarni yaxshi bilganlar.)