O’quv-uslubiy majmua 5140300-Kimyo va ekologiya bakalavr ta’lim yo’nalishi talabalari uchun Tuzuvchi – kimyo fanlari nomzodi

Nazorat savollari
1. Xromatometriya usullarining mohiyati nimadan iborat?
2. Xromatometriya usullarining yutuq va kamchiligini ko’rsating.
3. Uranni U³⁺ gacha qaytarildi va eritmani havo bilan puflab U⁴⁺ ga oksidlandi. Uran eritmasining 25,00 ml ni titrlash uchun 0,08520 n KMnO₄ eritmasidan (f_ekv = 1/5) 18,35 ml sarflandi. Eritmadagi uran konsentrasiyasini aniqlang.


Analizning fizik- kimyoviy metodlari


Mavzu: Fizik- kimyoviy metodlarning mohiyati


Ma’ruza rejasi:

1. 
   Fizik- kimyoviy metodlarning mohiyati
   
2. 
   Analizning fotometrik metodi
   
3. 
   Lambert-Ber qonuni
   
4. 
   Eritmaning optik zichligi
   

O’rganiladigan asosiy tushunchalar: Fizik- kimyoviy metodlarning mohiyati, analizning fotometrik metodi, Lambert-Ber qonuni, eritmaning optik zichligi.

Eritmalarning juda ko’p fizik- kimyoviy xossalari, masalan, nurning yutilishi, polyarizatsiya tekisligining burilish burchagining kattaligi, elektr o’tkazuvchanligi va boshqalar moddaning konsentrasiyasiga bog’liq holda bo’ladi. Bu metodlarning hammasi analizning fizik- kimyoviy metodlari deyiladi

Analizning fizik- kimyoviy metodlari juda kam miqdordagi moddani aniqlashga imkon beradi, ammo ular hozircha kimyoviy, ayniqsa, gravimetriya metodlariga nisbatan aniqligi kam. Ko’pchilik fizik- kimyoviy metodlaning aniqligi 5%.
Fizik- kimyoviy analizning asosiy metodlari: fotometriya, elektrometriya, xromotografiya dir. Fotometrik metodlarda tarkibi va modda miqdori bilan uning nurni yutilishi, nurni yoyishi, nurni singdirishi (refraksiyasi),
Polyarizatsiya tekisligining burilishi, lyumenissensiyasi o’rtasidagi o’zaro bog’lanishdan foydalaniladi. Analizning elektrometrik metodlari moddaning turli elektrik xarakteristikalarini aniqlashga (elektr o’tkazuvchanligining, elektr potensialining, tok miqdori o’zgarishi) asoslangan. Analizning xromotografik metodlari moddaning adsorbsiyalanishidagi, ion almashinish konstantasidagi, cho’kmalarning eruvchanligidagi va boshqalardagi farqqa asoslangan.