O‘quv qo‘llanma (Barcha bakalavriat ta’lim yo‘nalishlari uchun) Toshkent-2019

Mehnat estetikasi - estetik faoliyat turi sifatida insonning ijtimoiy va individual ishlab chiqarish jarayonida go‘zallikka nisbatan munosabatlarini ifodalaydi. Mehnat estetikasi jamiyat moddiy nematlarini ishlab chiqarish sharoitlari va uning natijalarini estetik o‘zlashtirish jarayonini anglatadi.
Zamonaviy sanat turlari – fan-texnika taraqqiyoti asosida vujudga kelgan sanat turlari. Ular o‘zigacha mavjud bo‘lgan sanat turlarining erishgan yutuqlari bilan bog‘liqdir. Zamonaviy sanat turlariga misol tariqasida fotosanat va kinoni keltirish mumkin.


Sport estetikasi - (ingl. sport) sportning estetik xususiyatlari, tamoyillari va qonuniyatlarini o‘rganuvchi fan. Sport estetikasi sportning komponentlari, sportchilarning texnik va jismoniy tayyorgarligi, estetik madaniyati, mashg‘ulotlar va harakatlardagi estetik mezonlarni aniqlab taxlil qilishning nazariy asoslarini xarakterlaydi. Sportchida estetik tuyg‘uni shakllantirish, g‘alaba va mag‘lubiyatni oqilona xis etish masalalari ham sport estetikasining tadqiqot obektiga kiradi.


Sanat – voqelikni baddiy obrazlar orqali aks ettiruvchi manaviyatning yaxlitlikdan tashqarida mavjud bo‘lmaydigan uzviy qismi.


Sport - jismoniy-estetik madadaniyatning tarkibiy qismi, vositasi va usuli, jismoniy mashqlarning turlari majmualari bo‘yicha musobaqalar tashkil etish, tayyorlash va o‘tkazish tizimi. Sportning maqsadi kishilarning sog‘lig‘ini mustahkamlash va umumiy jismoniy rivojlantirish bilan birga sport musobaqalarida yuqori natija va g‘alabalarga erishishdir.


Texnika estetikasi - XX-asrning ikkinchi yarmidan boshlab alohida fan sifatida ajralib chiqdi. Texnika taraqqiyoti va insoniy ehtiyoj texnika estetikasini fan sifatida taraqqiy etishiga olib keldi. Texnika estetikasi o‘z oldiga narsa va buyumlar muhitini uyg‘unlashtirish, ishlab chiqarish samarasini oshirish uchun mehnat jarayonini estetik tashkil etishni maqsad qilib qo‘yadi.