O’quv materiallar

BIOTEXNOLOGIK SANOATNING CHIQINDILARI, ULARNI ZARARSIZLANTIRISH VA UTILIZATSIYALASH
Biotexnologik sanoat chiqindilari tabiiy sharoitda biologik omillar ta’sirida parchalanuvchi chiqindilar turiga kiradi (mikroorganizmlar ishtirokidagi minirallash), kimyoviy (oksidlanish), fizik−kimyoviy (nur energiyasini va kimyoviy vositalar ta’sirida)
Biotexnologik ishlab chiqarish chiqindilari turlari:
- qattiq;
- suyuq;
- gazsimon.
Qattiq chiqindilarni yo‘qotish (mikrob massasini, mitseliylar, ekstraksiyadan so‘ng o‘simlik biomassasi, hayvon to‘qimalari kulturasi, oqava suv cho‘kmalari)
Biotexnologik sanoat chiqindilarining barchasi patogen mikroblar mavjudligiga analiz qilinadi.
An’anaviy usullar:
− qo‘ritiladi va shaxar axlatxonalariga oboriladi (utilizatsiyaning eng oddiy usuli)
− gruntda hosil qilingan chuqurliklariga beton pollarga joylashtiriladi, tuproq bilan aralashtiriladi va bir necha yilga qoldiriladi − tuproq mikroorganizmlari mitselliyni qayta ishlashi uchun (bunday utilizatsiya usuli qulay biroq istiqbolli emas. Beton pollar mitseliy qo‘yilgandan so‘ng yomg‘ir suvlarini mitselliydan moddalarni yuvib chiqmasligi uchun qilinadi. Agar buning oldi olinmasa bu maxsulotlar grunt suvlariga tushishi mumkin).

• 
  Utilizatsiyaning zamonaviy usullari sterillash, aralashtirish va qishloq−ho‘jaligi ozuqalariga qo‘shib berish;
  
• 
  mustahkamligini oshirish uchun qurilish materiallariga ham qo‘shish mumkin (g‘isht)
  
• 
  ma’lum fraksiyalarini ajratib olib ma’lum maqsadlarda qo‘llash mumkin (tetratsiklin produtsentlaridan butun lipid massasini ajratib olish mumkin va detergent sifatida kit moyi o‘rniga ishlatish mumkin).
  

Metanli achish orqali biogaz olish
Metanli achish jarayonida barcha organik moddalar (lignindan tashqari) mikroorganizmlar yordamida metan va karbonat angidridgacha parchalanadi.
Metan yoqilg‘i sifatida, karbonat angidrid esa quruq muz sifatida ishlatiladi.
Achishdan so‘ng hosil bo‘lgan cho‘kma organik modda hisoblanib, o‘z tarkibida gumus moddalarini saqlaydi va er o‘g‘iti sifatida qo‘llaniladi.