O’quv darslik

In’eksiyaning afzalliklari: 
1) tez ta’sir qiladi, Chunki dori teri ostiga va mushak orasiga yuborilganda 
tez so‘riladi, vena va arteriya orqali yuborilganda esa dori moddaning hammasi 
birdaniga qonga tushadi; 

---

- 134 -
2) dori moddalar oshqozon-ichak yo‘lini va jigarni chetlab o‘tadi (u erdagi 
fermentlar dorilarning faolligini susaytiruvchi xossaga ega); 
3) dori moddalari aniq dozalanadi. 
In’eksiya uchun ishlatiladigan eritmalarga qo‘yiladigan asosiy 
talablar: 
1) steril bo‘lishi kerak; 
2) toza bo‘lishi (mexanik aralashmalar bo‘lmasligi) kerak; 
3) cho‘kma hosil qilmasligi kerak; 
4) pirogenlik xossalari (tana haroratini oshirish xususiyati) bo‘lmasligi 
kerak (apirogen); 
5) ayrim hollarda (alohida hollarda) izotonik bo‘lishi kerak. 
In’eksiya uchun ishlatiladigan dori shakllariga retsept yozish qonun-
qoidalari: 
Teri ostiga yuborish uchun dori moddasining bir martalik dozasi 1-2 ml, 
mushak orasiga yuborish uchun 1-10 ml, vena orqali yuborish uchun esa 1 ml 
dan 200-500 ml gacha erituvchida eritiladi. Teri ostiga va mushak orasiga 
yuborishga mo‘ljallargan eritmalar odatda taqsimlangan (ampulalarda) va 
taqsimlanmagan (flakonlarda) usullarda yozib berilishi mumkin. Retsept 3 xil 
shaklda yoziladi: kengaytirilgan, qisqartirilgan va foizli. 
Misol:
td=0,001 g bo‘lgan atropin sulfatini dozalarga taqsimlanmagan va 
taqsimlangan usullarning hamma shakllarda 1 ml dan teri ostiga yuborish uchun 
5 ta in’eksiyaga yozib bering. 
Hisoblash: 
1) atropin sulfati 0,001x 5 marta = 0,005 g. 
2) suv 1 ml x 5 marta = 5 ml 
I. Taqsimlanmagan (dozalarga bo‘linmagan) usul: 
1)kengaytirilgan shakl:
Rp.:Atropini sulfatis 0,005 
Aquae destillatae 5 ml 

---

- 135 -