O’quv amaliyot mashg’ulotining o’qitish texnologiyasi

Qazini pishirish

Yuvib tozalangan qazini sovuq suvli idishga solib, past olovda 2-2,5 soat mobaynida mildiratib qaynatib pishiriladi. Qazini qaynatish jarayonida bir necha joyiga igna sanchib qo‘yiladi. Pishgan qazi sovitiladi.

Qazi yaxna tamaddi sifatida dasturxonga tortiladi, norin, palov kabi taomlar ustiga qo‘yib beriladi. Qazining o‘zini dasturxonga tortganda 1-2 sm qalinlikda parrak-parrak qilib kesilib, likopchalarga solinadi va ustiga murch sepilgan piyoz qo‘yib beriladi.

Jarkop

Masalliqlar me'yori: 100 g qo‘y go‘shti, 13 g o‘simlik yog‘i, 300 g kartoshka, 30 g piyoz, 50 g sabzi, 33 g pomidor yoki 6 g tomat. Chiqishi - 300 g.

Tayyorlash texnologiyasi

1. 
   Qo‘y go‘shtining kurak yoki biqin qismidan 25-30 g miqdorida bo‘laklar kesiladi. Piyoz yarimhalqa shaklida, sabzi parrak-parrak qilib to‘g‘raladi.
   

1. 
   Qozonda qizdirilgan yog‘da to‘g‘ralgan go‘sht, piyoz, sabzi qovuriladi, so‘ngra pomidor yoki tomat, tuz, ziravorlar solib, biroz qovurilib, ozroq suv quyib qaynatiladi.
   

2. 
   Qaynab chiqqach, qozon qopqog‘i yopib dimlab pishi-riladi. Jarkop tayyor bo‘lishiga 30 daqiqa qolganida to‘g‘ralgan kartoshka solinib yana pishguncha dimlanadi.
   
3. 
   Jarkop laganga yoki likopchalarga suzilib, ustiga to‘g‘ralgan ko‘kat sepiladi.