Oqsillarning umumiy tavsifi va biologik ahamiyati. Oqsillarning xossalari. Oqsillarni ajratib olish va tozalash

1. Biuret reaksiyasi. Bu reaksiya oqsillar tarkibidagi peptid (-CO—NH-) bogʻlariga xos re­aksiyalar. Koʻpgina biuret (H₂N-CO-HN-CO-NH₂-), oksamid (H₂N-CO-CO-NH₂), polipeptid yoki oqsillarning ishqoriy eritmalariga mis sulfat eritmasidan qoʻshilsa, binafSha rangga boʻyalgan kompleks tuzlar hosil qiladi. Bu reaksiya eritmadagi modda tarkibida peptid bogʻlari borligini koʻrsatadi. Bu tajriba koʻpincha mochevina bilan oʻtkaziladi. Chunki mochevina qizdirilganda ammiak ajralib chiqib, biuret hosil boʻladi.

2. Ningidrin reaksiyasi. Bu reaksiya oqsil tarkibidagi α-aminokislotalardagi erkin aminoguruhining ningidrin bilan boʻladigan reaksiyasiga asoslangan. Ningidrid reaksiyasi natijasida hosil boʻladigan rangning intensivligi gidralizat tarkibidagi aminokislotalarning miqdoriga yoki oqsil molekulasidagi erkin aminguruhlarning miqdoriga bogʻliqdir.

3. Ksantoprotein reaksiyasi. Bu reaksiya oqsil molekulalari tarkibidagi fenil-alanin, tripto­fan va tirozin kabi siklik (aromatik) aminokislotalarni aniqlashga yordam beradigan reaksiyadir. Bunda oqsil molekulasi tarkibiga kiruvchi aromatik aminokislotalar nitrolanish reaksiyalariga kirishib, aralashmada sariq rangli oqsillarning nitrobirikmalari hosil boʻladi.