O‘qitishning interaktiv”Kuchsiz zveno” usullari uchun savollar

10 – AMALIY MAShG‘ULOT


Mavzu: jinsiy yul bilan yukadigan infeksiyalar – so’zak, xlamidioz, mikoplazmoz qo‘zg‘atuvchilari xarakteristikasi, laboratoriya tashxisi.


O‘qitishning interaktiv”Kuchsiz zveno” usullari uchun savollar:
1. Jinsiy yul bilan yukadigan infeksiyalar kuzgatuvchilari va ularning odam patolo-giyasidagi urni.
2. Jinsiy yul bilan yukadigan infeksiyalar kuzgatuvchilarining mikrobiologik tashxisi kanday utkaziladi?


Сўзак (гонорея, триппер) касаллигининг микробиологик диагностикаси
Сўзак қўзғатувчиси Neisseriaceae оиласига Neisseria авлодиги мансуб бўлиб Neisseria gonorrhoeae деб аталади. Бу микроорганизимлар аэроб грамманфий сферик шаклдаги кокклар бўлиб, суртмада жуфт-жуфт бўлиб жойлашади ва ботиқ томони бир-бирига қараган ловияни (кофе уруғини) эслатади, ҳаракатсиз, спора ҳосил қилмайди, нозик капсуласи учрайди. Аэроб хемоорганотроф каталаза, цитохромоксидаза- ва оксидаза мусбат. Neisseria gonorrhoeae озиқли муҳитларга талабчан, оддий муҳитларда ўсмайди. Neisseria gonorrhoeae одамларда сўзак ва янги туғилган чақалоқларда бленнорея, фарингит, практит, чаноқ соҳаси перитонити, кам ҳолларда септик моноартикуляр артрит, эндокардит касалликларини келтириб чиқаради. Касаллик манбаси одамлар (антропаноз) асосан жинсий алоқа ва маиший буюмлар орқали юқиш кузатилади
Амалий иш № 3
Номи:Сўзак касаллиги қўзғатувчисини аниқлашда қўлланиладиган микробиологик усуллар билан танишиш.
Мақсад:Сўзак касаллиги қўзғатувчисининг лаборатория ташхисини тахлилини ўрганиш.
Иш тартиби
Бактериоскопик текширув. 1.Сўзак уретрити деб диагноз қўйиш учун таносил аъзоларидан олинган ажралмаларда гонококклар бор-йўқлиги текшириб кўрилади. Ажралмалардан суртмани одатда фақат даволовчи врач тайёрлайди.
2.Эркакларнинг таносил аъзоларидан суртма олиш учун уретрадан чиққан сарғиш-гугурт рангли йирингли суюқлик текшириш манбаи бўлиб ҳисобланади. Касалликни ўткир шаклида сийдик чиқариш каналидан ажраладиган суюқлик кўп, сурункалида эса кам ва шилимшиқ бўлади.
3.Аёлларнинг таносил аъзоларидан одатда уретраси, бачадон бўйни ва баъзан тўғри ичак шиллиқ қаватидан суртма олинади.
4.Сўзакдан кўз касалланганда (бленнорея) конъюктивитнинг йирингли суюқлигидан бир нечта суртма тайёрлаб текширилади. Тайёрланган суртмалар спиртовка алангасида ёки спиртда фикцация қилинади. Гонококклар анилин бўёғлари билан яхши бўялади.
Бўяш усуллари. Оддий бўяш усули –бунда 1% ли метилен кўкини сувдаги эритмаси, 1% ли бриллиант яшили ишлатилади. Фикцация қилинган суртмага метилен кўкини 1% эритмаси томизилиб 1-1,5 минут кутилади ва сув билан ювиб ташланиб ҳавода қуритилади ва микроскопда иммерцион системада кўздан кечирилади. Бўялган препаратда ҳужайра протоплазмаси кўкиш оқимтир, ядроси кўк рангда кўринади. Тайёрланган препаратлар мураккаб бўлган Грам усулида ҳам бўялади.
Бўялган препаратда гонококклар ловия шаклида бўлиб, ботиқ томони билан бир-бирига қараб туради.Гонококкларнинг лейкоцитлар ичида жойлашиши сўзакда тугалланмаган фагоцитоз жараёнининг ривожланганлигидан далолат беради.