O‘qitishning interaktiv”Kuchsiz zveno” usullari uchun savollar

Сийдик-таносил аъзолари микоплазмози

Микоплазмалар III бўлим (Tenericutes), 10 гуруҳ Mollicutes синфига, Mycoplasmatales таркибига, Mycoplasmataccae, Acholеplasmataceae, Spirop­lasmataceae оилаларига киради. Микоплазмалар майда, катталиги 125–150 нм, айримлари 700–800 нм, спора ҳо­сил қилмайди, ҳаракатсиз, грамманфий бактериялардир
Микоплазма инфекцияси келтириб чиқарадиган касалликлар хилма-хил бўлиб организмнинг умумий интоксикацияси ва турли аъзо хамда системаларнинг шикастланиши билан кечади.
хусусиятига эга. У мочевинани аммиак ҳамда CO₂ га парчалайди. Бундай
хусусият барча микоплазмалар ичида фақат Т-штаммга хос. Шунинг учун бундай микоплазмаларни уреаплазма уреалитикум дейилади. Уреаплазмалар биринчи марта гонококксиз уретрит билан оғриган эркак уретрасидан ажратиб олинган, бунда уреаплазмаларнинг этиологик аҳамияти борлиги исботланган. Кейинчалик эндоцервицит, оофорит, сальпингит, кольпит, ой-кунига етмай туғиш, ҳомила тушиши, ўлик туғиш, бўйида бўлмаслик, уретрит, везикулит каби касалликларнинг юзага келишида ҳам уреаплазмалар таъсири борлиги аниқланган.
Сепсис, мия абсцессида уреаплазмалар ажратиб олинди, гломерулонефрит, цистит ва простатит каби касалликларда уларнинг ахамияти ўрганилмоқда. Тадқиқотлардан сийдик-таносил касалликлари билан оғриган аёлларнинг 40–50% ида, гонококксиз уретритга чалинган эркакларнинг 51,2% ида уреаплазмалар борлиги аниқланган.
Морфологияси: Ureaplasma urealuticum ни биринчи бўлиб 1954 йили Шепард аниқлаган, улар колонияларининг ҳажми кичик бўлиб 10–30 мкм дан ошмайди. Шунинг учун уларга Т-штамма деб ном берилган (87-расм).
Морфологияси катталиги бўйича 3 хилга ажратилади, майда – 120–175 нм, ўртача – 500–750 нм ва катта. Республикамизда U.urealyticum нинг соф культурасини ногонококксиз уретритларга чалинган беморлардан Э.Эшбоев (1987) ундиришга эришган.
Биокимёвий хусусиятлари. Уреаплазмалар қандлар учун инерт ҳисобланади, диазокристалларни тикламайди, каталаза-манфий ҳисобланади. Қуёнлар ва денгиз чўчқачаларининг эритроцитларига нисбатан фаол бўлган В-гемолитик хусусиятга эга.